غیاس خالد زێباری
ژیان ب گشتی یا پڕە ل ئاستەنگ و ئەڤرازی و نەخۆشیا، ژبووی لێ دەربازبوونا وان پێتڤی ب هەڤڕکیێ هەیە ، ب تایبەت ئەگەر ئاستەنگ و ئەڤرازیێن دەستکرد ل پێش بەرەڤ بەختەوەریا مرۆڤی هاتبنە دانان .
لڤی سەردەمی، رزگاریا نشتیمانی فاگتەرێ بەختەوەریا جڤاکی یە لێ رێکا رزگاریا کوردستانێ دناڤ رێکەکا پڕی ستری و ئاستنەگڕا دچیت ، چونکی وەڵاتێ مە کوردستان لسەر دەولەتێن زۆردار هاتیە دابەشکرن و بێ وژدانانە سەرەدەریێ لگەل بزاڤێن رزگاریێ دکەن لەوما ڤاڤارتنا ڤێ رێکێ و گەهشتن ب ئارمانجێ پێتڤی ب هەڤڕکیەکا دژوار و خۆڕاگریێ هەیە .
پیلانا خیانەتکاریا نیڤ دەولەتیا جەزائیر یا ساڵا ١٩٧٠ ، پیلانەکا مەزن و پڕی دڕی و ئاستەنگ بوو ل هەمبەر بزاڤا رزگاریخوازیا کوردستانی و رێکا بەرەڤ ژیانا بەختەوەریا کوردستانیا ، دۆژمن و نەیار د وێ باوەریێ دابوون ئیدی گەلێ کورد و کوردستان دێ دناڤ وان ئاستەنگاندا مینن بۆ هەتا هەتا و نەشێن هەڤڕیێ دگەل ڤێ ژیانێ بکەن .
پارتی دیموکراتی کوردستان ب رێنمایی یێن بارزانیێ نەمر و سەرپەرشتی و رێبەریا سەرۆک مەسعود بارزانی و کاک ئدریسێ جوانەمەرگ ، پشتی گەنگەشە و هەڵسەنگاندنا رەوشا بەرێ و فاگتەرێن ناڤخۆیی و دەرڤە یێن شکەستنا شۆرەشا مەزنا ئیلۆنێ ژلایێ سەرکردایەتیا پارتی و دانانا سەرکردایەتیەکا کاتی ، وەکی بەرسڤەک بۆ وێ پیلانا نیڤ دەولەتی هەر زوی بریارا بەرپابوونا شۆڕەشەکا نوو دا بناڤێ ( شۆڕەشا گوڵانا پێشکەفتنواز ) ، ژبلی کۆ ئەڤ شۆڕەشە شۆڕەشەکا لەشکریا سەرکەفتی و پڕی دەستکەفت بوو ، بریارا هەڤڕکیا گەلێ کورد بوو دگەل ژیانێ ،
چونکێ پشتی رەوشا ساڵا ١٩٧٥ سێبەرا بێ ئۆمێدیێ هەمی دەڤەر و ماڵێن کوردستانیا داگیر کربوون و رابوونەڤا شۆڕەشتێ دوان کاودانان دا ب موعجیزە دزانی ، لێ دۆربینیا بارزانیێ نەمر و رێبەر و سەرکردێن پارتی ب باوەریبخۆبوونەکا مەزن ئەو موعجیزە کرە ڕاستی و ب پشتەڤانیا خەلکێ نشتیمان پەروەرێ کوردستانێ و هێزا پێشمەرگەهی و رێکخستنێن پارتایەتی هێدی هێدی ستری و ئاستنەگ د رێکا ئازدی و رزگاریا کوردستانێ دا لادان و بەرەڤ ژیانا بەختەوەریا جڤاکێ کوردستانیا ڕێکەفتن .
ئەو پشتەڤانیا بەرفرەهــ یا خەلکێ کوردستانێ ب هەمی تەخ و چینڤە ل پارتی دیموکراتی کوردستان و سەرکردایەتیا وێ بۆ بەردەوامی و سەرکەفتنا شۆڕەشا گوڵانا پێشکەفتنخواز بریارا پڕانیا خەلکێ کوردستانێ بۆ هەڤڕکیێ دگەل ژیانێ و ماندەلکرنا ژیانا بندەستیێ بوو و بەرەڤ بەختەوەریا ژیانێ ، چونکی خەلکێ کوردستانێ و پارتی د کاودانێن هەری دژوار دا ئەڤ بریارە دا کو هێشتا زەند و باسکێن رژێما ئیراقێ د هەڵدایی بوون بۆ گرتن و کوشتنا شۆڕەشگێرێن کورد و پشتەڤانێن ، و ددانێن وان ژی د سیڕادی بوون بۆ پارچە پارچە کرنا وان و زیندانێن تەنگ و تاری و پڕی ئامیرێن ئەشکەنجەدانێن کەس چ هزرا بۆ نەکەت د بەرهەڤکری بوون و زۆر ل وان زیندانا پڕ کرن و لبەر دەرگەهێ هەر مالەکا تامەکا کوردایەتیێ لێ بهێت سویخر و چاڤدێرێن خۆ دانا بوون ، لێ ئیرادا خەلکێ کوردستانێ بۆ بەردەوامیا هەڤڕکیا دگەل ژیانێ و بەرەڤ ئازادی و بەختەوەریێ ل وان هەمی گاڤ و پیلانا مەزنتر و بهێزتبوون و ب رەوشتێن مرۆڤایەتی و گیانێ شۆڕەشگێریێ و هەستا نشتیمانی و نەتەوایەتیێ ستری و ئاستەنگێن درێکێ دا لادان و ب قەفتێن گۆڵا و درۆشمێ یان کوردستان یان کورد نەمان گەهشتنە ئارمانجا پلان بۆ دارشتی ب ناڤێ شۆرەشا گوڵانێ ، کۆ ئازادی و بەختەوەری یە ، ئەوا ئەڤرۆ ئەم تێدا دژین .
باوەری و سەرەداریێن شۆڕەشا گۆڵان ئەوێن ل وی دەمی رێکا پڕی ئاستەنگ ڤەڤارتی ، دێ شێن ئاستەنگ و پیلانێن ئەڤرۆ ژی ڤاڤێرن ئەگەر سەرکردایەتیا کوردستانی بۆ بزڤڕیت .
Comments are closed, but trackbacks and pingbacks are open.