شێرە ژنەک ل ڕۆژێن سەخت و دژوار

نڤیسین ، شڤان غازی:

چنار خان حسێن عبدالرحمن سیاری بەرواری کچا پێشمەرگەهەکێ قەهرەمان و کەساتیەکێ ب ناڤ ودەنگ بوویە ، بابێ وێ پێشمەرگەهێ هەردوو شورشێن ئیلون و گولانێ بوویە ، دیسان بابێ وێ ئێک بوویە ژ زیندایێن (نوگرە سەلمان)ــه ماوێ سێ سال و نیڤا د زیندانێ دا مایە و ژ زیندانێ رەڤیە و پشتی سالا حەفتێ و پێنجێ پشتی نسکویێ بابێ وێ ب خێزان ڤە ئاوارەی وەلاتێ ئیرانێ بوویە ل ئوردیگایێ (جەهرو) ئاکنجیی بووینە ل وێڕێ خودایێ مەزن کچەک دایێ ب ناڤێ (چنار) ، ئەڤ خێزانە کوردپەروەر بووینە و لسەر خەباتا خو بەردەوام بووینە وی دەمی بارودوخی وەسا خاستی یە قەدەرێ بەرێ ڤێ خێزانێ دایە وەلاتێ (سوریا) دوو سالان دگەل کاک (کریم شنگاری) و رەحمەتی (سامی عبدالرحمن شنگاری) بوینە و پشتی بورینا دوو سالان دگەل چەندین مالباتێن دیتر ڕێک بو وان هاتیە خوشکرن و هاتینە رەوانەکرن بو وەلاتێ (دانمارک) پاشان ئەڤ خێزانە خودایێ مەزن کەرەمێ دگەل وان دکەتن و دبنە هەشت کەس ، دەیک و بابێن وان کارێ هەرە سەرەکی یێن پەروەردەکرنا ڤان زاروکان هەولداینە کوردپەروەربن و دلسوز بن بو پاراستنا زمان و خاک و حەش وەلاتێ خو بکەن پەروەردەکا باش یا کوردایەتیێ نیشا زارویێن خو داینە (چنارخان) ل ژیێ سێزدە سالیێ دا بوویە قوتابی ل زانکویا دانمارک و ل وێڕێ هەولدایە بەحسا ئەو زولم و ستەما ل مللەتێ وێ هاتیە کرن ب دڕێژاییا مێژویێ بو وان رون بکەتن ، دیسان ژرویەک دیڤە (چنار خان) دگەل مەزن بوونێ دژیێ خودا هزرا وێ یا کوردایەتی دگەل مەزن دبیت دگەل خوشکێن خو هزر دکەت کومەلگەهەکا کوردەواریێ ژێک کوم بکەتن و خەلکێ خو ب پاراستنا کەلتوڕێ زمان و فلکلوڕێ کوردی ئاشنا بکەتن هەروەسا هەول داینە قوتابیێن بیانی ل وی وەلاتی نیشا وان بدەت عادات و تقالید و خارنێت کوردەواری چنە دیسان شاهییێت کوردی کەل و پەلێت کوردەواری تاکو گەهشتیە وی رادەی خەلک و دەزگایێت راگەهاندنا وەلاتێ دانمارکێ لسەر کوردان بنڤیسن باخڤن و بەلاڤ بکەن ل دەنگوسانێن وەلاتێ خو دیسا ل بەلاڤوکان هاتنە نڤیسین و بەلاڤ کرن ، تشتێ کو چنار سەر ئێخستی و بوویە پشتەڤانەک مەزن خوشک و برایێن وێ بووینە مینا وێ ژ پەروەردا وان دای بابا بووینە پشتەڤان بو بجهئینانا ئارمانجێت وێ کو مینا وێ کوردپەروەر بووینە ، بابێ وان و دەیکا وان تا کو شیاینە ئەو فێری ڕێیا رێبازا راست و دروست یا بارزانیێ نەمر مەلا مستەفای بابێ روحیێ نەتەوا کورد فێرکرینە کو چ جارا ژڤێ ڕێبازێ نەدەرکەڤن و بەردەوام بن ، چنار خانێ دگەل خوشک و برایێن خو شیاینە ل وەلاتێ دانمارک ببنە خودانێن باورنامێن زانکویێ و ماستەر ژی ل هەمان وەلات ئیناینە و کوردایەتیا خوژی دگەل خاندنا خو کرینە لدیف ڕێبازا بابێ خو چوینە و خو ب سەرفراز دزانن و وێ قارەمانیێ بو دایک و بابێن خو دزڤرینن کو ئەو گەهاندینە ڤێ قوناغا ژیانێ ، چنار خان لسەر وەسیەتا بابێ خو دزڤرنە کوردستانێ ل سالێن (٢٠١٢ تا ٢٠١٤) وەک ژیان بوراندن نەک سەرەدان و بابێ وێ جارەکادی ب خاکا پیروزا کوردستانێ شاد دبیتەڤە ، لێ مخابن بابێ چنار خانێ ل سالا (٢٠١٤) ب کوڤانەک مەزنڤە دچیتە بەردلوڤانیا خودایێ مەزن چنار خان دبێژیت بومە شکەستنا مەزن بو ژبو ژدەستدەنا ڤی کەساتی و قەهرەمان و کوردپەروەری لێ کوردایەتیا خو و هزرا خو لسەر مە دابەشکر بەری بچیتە بەر رەحما خودایێ مەزن و مەزنترین سامان بومە بجهـ هێلایە کو ئەم هەمی فێری رێبازەک ڕاست و درست کرینە ، نوکە چنار خان دبێژیت مە دڤێت کوردستانەک ئاڤا بیت جهێ هەر کوردەکێ دلسوز هەبیت ل جیهانێ مەرەما وێ ئەوە ڤی مللەتی زور نەخوشی و نەهامەتی دیتی نە هێڤیا وێ ئەوە ئەو کەسێن مینا خێزانا چنار خانێ ئاوارەی دونیایێ بووین رەنج و زەحمەتا وان بێتە پێش چاڤ نەهێنە ژبیڕکرن چونکی ئەوێن خێزان و مالێن و ملک و خاکا خو هێلاین دیسان هەر بو بەرگریکرنا مافێن رەوایێن گەلێ کوردستانێ بووینە و شیاینە دەنگێ مە بگەهینن هەمی جیهانێ ، دیسان چنار خان پشتی شەڕێ تیرورستێن چەپەلێن داعشێ دەست پێکری حەز کریە مینا بابێ خو بەرگریێ ژ خاکا پیروزا کوردستانێ بکەتن و قەستا زوربەیا سەنگەڕێن پێشمەرگەهێن کوردستانێ دکەتن حەزا وێ ئەو بوویە وەسیەتا بابێ خو بجهـ بینیتن و بارودوخێ پێشمەرگەهێن قەهرەمان بزانیت کا پێتڤی ب چ جورە پالپشتیەکێ نە ، چنار خان بریارێ ددەت هاریکاریا پێشمەرگەی بکەتن لدویف شیانێت خو وەک شێرە ژنەک کا پێشمەرگەی پێتڤی ب چ جورە هاریکاریەکێ هەیە ، ئەو دبێژیتن ئەز پەسنا خو ناکەم دێ هێلم کو پێشمەرگە بخو ببنە دیدەڤان و ئەفسەڕێن وان دزانن کا من شیایە چ بو وان بکەم دیسان دبێژیت میحوەر نەمایە من سەرا وان نەدابیتن مینا (ناوەران ٭گوێڕ ٭ کەسکێ ٭حوگنە ٭ باشیک ٭ فازلیێ ٭ عین عوێز ٭ حەردان ٭ دەوروبەڕێت شنگالێ ٭ زومار ٭ تلسقوف ٭ ل شازدەی ئوکتوبەڕێ ل کەرکوکێ بوم هتد ) ، دیسان چنار خان بەرنامەکی ددانیت پێشمەرگەهێت هەمی میحوەرا ل هەر سیهـ ڕوژێت هەیڤا رەمەزانا پیروز پێشمەرگەهان مێهڤانێ شیڤ خارنێ ئانکو فتاڕێ دکەتن هەولدایە ڤی بەرنامێ جوان هەر جار و هندەک پێشمەرگە ل جهەکی برینە مەرەما وێ نیشا خەلکێ بیانی بدەت کا خەلکێ کوردستانێ چەوا خزمەتا لەشکەرێ خو دکەتن بوزانین هەر روژ ل خارنگەهەکێ ئەو مێهڤان کرینە ل هەڤلێڕا پایتەخت ل سەر جادا سەد مەتری و ل ڕوژا سیهێ ئانکو دیماهیک ڕوژ دوست و هەڤال و هەڤچەڕێن بابێ خو پێشمەرگەهێن شورەشێن ئیلون و گولانێ مێهڤان کرینە وەک وەفایەک بو ڕوحا بابێ خو و دبێژیتن بومن ئەو ڕوژە زورا جیاوازبو من شیا دلێ هەڤالێن بابێ خو خوش بکەم و گیانێ بابێ خو ئاسودە بکەم دبێژیت چەند ڕوژەکێ من خزمەتەک دکر بو پێشمەرگەهێ کوردستانێ وێ ڕوژ ئارام دنڤستم ، دیسان دوبارە دبێژیت هێڤیا من ئەوە ئەم بشێین کوردستانەکێ ئاڤەکەین هەر کوردەک ئەڤ باوەری یە دەف پەیدا بیتن کو بهێن خزمەتا وێ کوردستانێ بکەن وەلاتەک ئەم هەمی فەخڕێ پێ ببەین دەستێن گەندەلکارا ببرین هاری حکومەتا خو بکەین تاکو دگەهیتە ئارمانجا خو یا سەرەکی ژبو بدیهینانا وێ ئارمانجا مەزن کو خەونا هەر کوردەکێ ب شەرەفە ل جیهانێ ئاڤاکرنا دەولەتا کوردستانێ یە

کو انشاللە دێ ب ساخیاخو ئەم هەمی وێ ڕوژێ بینین .
٭ ل ڤێرەدا ئەفجا ئەز وەک شڤان غازی یێ کو من ڤیایی ڤی بابەتی لسەر چنار خانێ بنڤیسم بو وە چەند خالەکا ڕون بکەم :-
ڕوژەکێ ب ڕێکەفت ئەز دگەل هەڤالەکی چومە میحوەڕێ تلسقوف من ئەف شێرە ژنە لدەف کاک تارق شەهید سلێمان هەرنی ل میحوەرێ تلسقوف دیت پشتی وێ داستانا مەزن ئەوا ژلایێ ڤی میحوەری ب سەرپەرشتیا راستەوخو یا سەروک مەسعود بارزانی هاتیە تومارکرن کو کوڕێ سەروک بارزانی مەنسور بارزانی ژی دگەل هەمی پێشمەرگەهێن قەهرەمان ئەڤ داستانا مێژویێ تومارکرین من ژی ڤیا هەر بچمە ڤی میحوەری .
٭ دەمێ من چنار خان ل وێڕێ دیتی ئێک دنیا هاریکاریا دگەل خو ئینابو کو ئێک ژوان کاڕێن وێ یێن جوان کو من ب چاڤێ خو دیتی براستی من شێرە ژنەک دیت بڤێ ورەیێ بڤێ حەماسەتێ بڤی رەنگی دلێ من زور خوشبو بیرا ل وان ڕوژا هات دەمێ دگوتن ل هەمی شورەشا ئافرەت مل ب ملێ زەلامان بووینە بو پاراستنا خاکا پیروزا کوردستانێ .
٭ دیسان من ژی گوت ئەڤەنە یێن دبێژنێ سەربازێن وون من ئەڤ بابەتە دخیالا خودا هێلا و ئەو وێنە وەک یادگاری من دەفخو هێلان تاکو ئەڤرو دەلیڤە هاتیە پێش من ڤیا بەحسا ڤێ شێرە ژنێ بووە بکەم مللەتێ مە تا ئەڤ قەهرەمانە ئەڤ دلسوزە هەبن چ جارا ژناڤ ناچیتن ڤێرەدا دێ بێژمێ تو ب هەمی رەنگا شێرە ژنی دڤێت هەلویستێن تە چ جارا نەهێتە ژبیرکرن .

• دکاری هەموو بابەتێن خۆ ببینی …