شەهیدێ فەرماندە عیسا گورگو کیه؟

دیروکا گەلێ مه یا پڕە ژ تومارکرنا شەهیدێن نەمر، ل روژەکا وەکی ئەڤرو ل٢٧/٧/١٩٩٥ شەهیدێ فەرماندە ئەلهویێ چیایێ (گارەی) (عیسی گورگو) دهێتە شەهید کرن و جانێ خو و دکەتە قوربانی خاکا پیروزا کوردستانێ، خو گوریکرن مەسترین وەفاداریە بو گەل و وەڵاتی هەمی کەس نەشێن پلا شەهیدبونێ ب دەست خوڤە بینێن ژبەرکو پیروسترین تشت دەڤ هەر کەسەکی گیانێ وییە، لێ بو کەسێن شەرف مەند خو گوریکرن بو رێبازا پیروزا کوردینیێ پیروسترین تشتە لەورا شەهیدێ قەهرەمان خو گوری رێبازا شەهیدێن کوردو کوردستانێ دکەت سەروەرێ شەهیدان بارزانیێ نەمرو ئدریسێ هەردەم ساخ، هزار سلاڤ لسەر گیانێ هەوەیێ پاقژ بن، رێبازا وە بەردەوام.

ئەڤا لخوارێ پشکەك ژ ژياناما شەهـيدێ قەهـرەمان (عيسى محمد امين اسلام) بەرنياس (عيسى گورگو) یه، شەهـيدێ قەهـرەمان ژسالا (١٩٤٥) ل گوندێ گاره هـاتيه ژیانێ، ل ژيێ (١٦) سالیێ چەکێ شەرەفێ راكريه و بويه پشمەرگه، ل سالا (١٩٦١) بەرەڤانىێ ژخاكا پيروزا کوردستانێ دکەت دژى هـەر هـێرشەكا دوژمنى، دهەمام سالدا بەشكدارىێ دشەرێ سولاڤێ دا دکەت ، ل سالا (١٩٦٢) بەشداریێ دشەرێ بەرەكەر دا دکەت، ل سالا (١٩٦٧) بەشداریێ دشەرێ گەلیێ بالندا دکەت، شەهـيدێ ناڤبرى ل سالا (١٩٧٠) وەکو ستێرەکا گەش ل ئاسمانێ بزاڤا رزگاریخوزا وەلاتی دیار دبیت ژیانا خو تەرخان دکەت بو رێبازا بارزانی و کوردستانێ، ژبەر زیرەکی و دلێری و بزاڤ و چالاكيێـن وى پلـەیا (ئـامـر فـصيـل) وەردگريـت، و بەشـداری پـتری (١٠٠) ئۆپەراسیۆنێن شـەری دبیت دژى جێشا عیراقێ، ل سالێن(١٩٧٠) تاکو (١٩٧٤) بەشداریێ دشەرێن (سماقوكێ) و شەرێ (چينەى) و شەرێ (باشكالا) و شەرێ (گەليێ دهـوکێ) دکەت، و پشكدارى پتری (١٠) ئۆپەراسیۆنێن
دی ژی دکەت، دووجاران ل كێليا شەدايێ بەژداری شەرى بويه، هـەر ل وێ سالێ دگەل چەندين هـەڤالان هـاتيه ڤەگوهـاستن بەرەف دەڤەرا ديانا و راستەوخۆ بەشدارى شەرێ (گەليێ عەلى بەگ) دا دکەن، پشتى پيلانا سالا (١٩٧٥) ناڤبری دەست بكارێ رێكخستنێ دكەت و بەردەوام دبيت هەتا سالا (١٩٧٦) پاشى پەيوەندیێ ب شەهـيد (محمود يزدى) و شەهـيد (شعبان غفار) دكەت و بچەندين كارێن کریاری رادبيت دناڤ دوژمني دا چەندين جاران هـاتيه گرتن ژلايێ دوژمنی ڤه، لێ سوپاس بو خودێ جارەكادى هـاتيه رزگارکرن، ديسان شەهـيدێ قەهرەمان ل سالا (١٩٨٣) بەرسينگێ جاشا دگريت بو سەر دەڤەرا گارەى، ل سالا (١٩٨٤) دگەل چەندين پێشمەرگێن قارەمان هێرش كرينه سەر ناحيا سەرسنكێ، ل سالا (١٩٨٧) بويه جێگرێ رێکخراوا (سپیرێز) و لدوو شەرێن دى بەشداریێ دکەت ل دەڤەرا (هـەمزيك ) و (بەرێ كەر) و دەورەكێ كاریگەر و بەرچاف هەبويه، هه روەسا شەهيدێ قەهرەمان رولەکێ گەلەك بلند هەبويه د داستانا (دێرەلوکێ) دا، لسالا (١٩٨٨) ئەنفالێ دەسپێكر وەكى هەمى خەلكى بەرەف سنورێن توركيا دكەڤيته رێ لێ مخابن نه شێن قورتال بن، پشتی (١٢) روژا ماينه چيايئ گارەی لێبورینا گشتى هاته دان ل ١٩٨٨/٩/٦ نەچار دبيت خو دگەل مروڤێن خو رادەستی حكومەتێ بکەت، و هاتينه ڤەگوهاستن بو ئورديگايێ بەحركێ لبهارا سالا (١٩٩١) دەمێ سەرهلدانا پيروز دەسپێكرى بدلەکێ سوتى دەست دا چەكی بو سەر بارەگايێن رژێما فاشى، ژوان بارەگایێ ئەمنا دهـوكێ، پشتى هێزێن پێشمەگەى دهێنه دامەزراندن پلا (ئامر هێزێ) وەردگريت، ل ناوچا ئامێديێ، لسالا (١٩٩٢) ده مئ (P.K.K) هێرش كرينه سەر هەرێما كوردستانێ ناڤبرى شەرێ (شيڤێ)، شەرێ سەرێ چيايێ لينكێ پشکدار دبیت و رولەکێ بەرچاڤ هەبويه، لسالا (١٩٩٣) دەمێ جەولا ئيكێ يا شەرێ نافخویی دەسپێكرى شەهيدێ قارەمان دشەرێ (سەلاحەدين) و شەرێ (سەفين) دا بەشداريێ دكەت، لسالا (١٩٩٤) دەمێ جەولا دووێ دەسپێکری هێرشێن یەکێتی بو سەر پارتى ديموكرتى كوردستان ناڤبري بەرسينگێ وان دگريت و دهەمان سالێ دا پلا (ئامر سری) وەردگريت ب سەر ليوا (٢) يا تايبەت ڤه، و چەند شەرەكان دا بەشداریێ دکەت، مينا شەرێ (گرێ شەهيد) شەرێ (دیگەلەى) شەرێ (شه قلاوا) و (هيرانو نازەلين) و (گومه سپانێ) و (زيارەتكا) و (كەسنەزان) و پاش ب گولەکێ بريندار دبيت و دهێته ڤەگوهاستن بو نەخوشخانا (ئازادي) لدهوكێ پشتى برينا وى بەرەف باشيێ دچيت جارەكادی قەستا بەروکێن شەرى دكەت، لسالا (١٩٩٥) ژبەر زيرەكی و رولێ ویێ بلند دهێته هەلبژارتن وەكى (ئامر فەوج) ب سەر ليوا (٢) يا تايبهمەت ڤه، پاشى دەمێ هێزێن یەكێتیێ دەست ب هێرشا كرينەڤه، شەهيدێ لەهەنگ بەشداری شەرێ (كلاف قاسم) دبیت، و رولەکێ گەلەکێ بلند هەبو دوى شەري دا، لێ مخابن پێكولەكا دوژمنی دهێته هنگافتن و لروژا ١٩٩٥/٧/٢٧ خاترا خو ژ هەمى كەس و كار و هەڤالێن خو دخازيت لماوێ (١٠) روژا جەناجێ وى دمينته دەستێ دوژمني دا، پاشى هاته ڤەگوهاستن بو باژێرڤانيا سەرسنك، دهێته ڤەشارتن و دگەهيته كاروانێ شەهيدێن كوردستانێ،

هیچ ساتەکی دەست بەرداری مافێن گەلێ خو نابن، ئارمانجێن خو شاش ناکەین و ئیرادا مە وەکی یا بارزانی و عیسای بلندە و تەسلیم نابن، هەتا سنورێن دەست چێکری راکەن و ئالایێ کوردستانێ بلند بیت.

نڤێسه ر : دلمان عيسا گورگو