هەلبژاردنێن دەستەیا سەرۆكاتییا پەڕلەمانێ عیراقێ بوو ئەگەرێ پەیدابوونا شەڕەكێ ڕاگەهاندنێ یێ توند دناڤبەرا بزاڤا گۆڕان و ڤەلڤینا نەوەی نووێدا، و بزاڤا گۆڕان هووركاتیێن فروشتنا ئەندام پەڕلەمانێن نەوەی نووێ ب (50) ملیون دولاران ریسواكر.
دپۆستەكیدا كو دئەكاونتێ خۆ یێ تایبەتدا بەڵاڤكرییە، عەلی حەمە سالح، پەڕلەمانتارێ بزاڤا گۆڕان دپەڕلەمانێ كوردستانێدا دبێژیت، ئێكەم كارێ پەڕلەمانەكی كڕین و فروشتنا پەڕلەمانتاران بیت هیچ ئومێدەك ژێ ناهێتە كرن، ژلایێ خۆڤە ئاسۆ مەحمود، باژێڕڤانێ بەرێ یێ سلێمانیێ گوت: حزبەك نەهـ ئەندام پەڕلەمانێن خۆ ب (50) ملیون دولاران فروشتن، ئەڤە كارەساتەكا سیاسییا مەزنە و یاریەكە ب چارەنڤیسێ مللەتەكی دهێتەكرن.
ل هەمبەر هێڕشێن بزاڤا گۆڕان، ڕێبوار عەبدولرەحمان، ئەندامێ جڤاتا نوونەرێن عیراقێ ژ ڤەلڤینا نەوەی نووێ د ڕاگەهاندنەكێدا بابەتێ فروشتنا نەهـ پەڕلەمانتاران ڕەتكر و گوت: وان گوتنان هیچ راستیەك نینە.
Comments are closed, but trackbacks and pingbacks are open.