زەنون سلێڤانەی ـ زاخو.
بێگومان هەگەر ئەم ل دەهــ روژێن داویێ ڤێ مەهێ بگەرن زوربەیا هونەرمەند و دەنگبێژێن کوردا هەر ئێك برەنگەکێ مالئاڤاهیکریە هەر ئێك ژوان سامان و میراتەکێ مەزن و هونەرو سترانا کوردی ل پاش خوە هێلاینە ، پێدڤی ناکەت زێدەتر بچینە دناڤ ڤی بابەتی دا دڤێ مەهێ دا یائاشکەرایە سالڤەگەرو بیرئانینێن وان یێ دئێتە ساخکرن و جهێ ئاماژە پێکرنێ یه دێ ڤەگەرن لدور بیرئانینا (
(٢١) مین سالڤەگەرا مالئاڤاهیکرنا هونەرمەند و دەنگبێژێ گەنج و ژێهاتی (عبدالواحد زاخویێ ) دژیەکێ کورت دا شیایە برێکا هونەرێ سترانگوتنێ بدەنگەکی پری زەلال و خوش شیایە ئەو ڤالاتیا دناڤ گورەپانا هونەرو موزیك وسترانا کوردی پری سترانێن دلداریێ و عەشق و ئەڤینیا ژینگەهێ خەمل و جوانیێ یا سروشتێ کوردستانێ بکەت ، جار جاران بدەنگ و رەنگێ خوە دگێرانا ئاهنگ و کونسرێتێن هونەری و گوڤەند و سەیرانان دا گرنژین دئێخستیە لسەر لێڤێن گوهداری کرن و حەژێکرنا سترانا کوردی یارەسەن و هەڤچەرخ و پێشکەفتی ،
هەلبەت هندەك جاران بگوتنا وان سترانێن خوەیێن نەتەوەی و نێشتیمانیێ و دناخ و مەژیێ مروڤێن وەلاتپارێز وشورەشگێرو پێشمەرگە تژی دسینگێ وان عەشق و ئەڤینیا وەلاتی خورتکریە ، لڤێرێ مە نەڤێت زێدەتر بچینە دناڤ ژین و ژیارا و بەرهەم و خەباتا هونەرمەندی دا چکریە و یان چنەکریە دیروك دیدەڤانە لسەر ژیان و خەبات و خزمەتکرنا هونەرێ دەنگبێژێ نەمر (عبدالواحد زاخویێ )یێ ناسیارە بابێ نەژبیری ل جهێ دایك بوونا باژێرێ زاخویا پرا دەلالێ بتنێ وەكرێزگرتن وەفاداریەك ژبو ساخکرنا ڤێ بیرئانینا پری شینیێ و جەرگ هەژین ل روژا ٢٠٠٠٠/١/٢٦ ێ بئەگەرێبوویەرەکا دلتەزین ل دهوکێ مالئاڤاهیکریە درێورەسمەکی هەرە مەزن دا ل گورستانا شەهیدان ل باژێرێ زاخو تەرمێ بئالایێ رەنگین هاتیە خاکسپاردن ،
هزار سلاڤ ل گیانێ ویێ پاك پاقژ بیت دەنگبێژێ نەمر (عبدالواحد زاخویێ )
Comments are closed, but trackbacks and pingbacks are open.