هێزه‌كا ئاژانسا هه‌والگیری و ڤه‌كۆلینێن فیدرالی یا سه‌ر ب وه‌زاره‌تا ناڤخۆ یا عیراقێ د زنجیره‌كا لێگه‌ریان و پشكنینێ دا ل پارێزگه‌هێن دیالا و زیقار و كه‌ركوك ده‌ست ب سه‌ر ده‌هان ته‌نێن ده‌رمانێن قاچاخ دا گرتن.
د وێ لێگه‌ریان و پشكنینێ دا شه‌ش كلینیكێن نۆشدارى و شه‌ش ده‌رمانخانێن سه‌خته هاتنه گرتن شانه‌یا راگه‌هاندنا ئه‌منى سه‌ر ب فه‌رمانده‌یا ئوپه‌راسیۆنێن هه‌ڤپشك ل عیراقێ راگه‌هاند هێزێن ئاژانسا هه‌والگیریێ و ڤه‌كۆلینێن فیدرالی یا سه‌ر ب وه‌زاره‌تا ناڤخۆ یا عیراقێ ب پشته‌ڤانییا زانیاریێن هه‌والگیرى د گه‌ریانه‌ك و پشكنینه‌كا هه‌ڤپشك دا شیان دو كه‌سان ل باژێرێ زیقار ب تومه‌تا بازرگانیكرنا ده‌رمانێن قاچاخ ده‌سته سه‌ر بكه‌ن و هه‌روه‌سا 863 هزار و 286 كارتونێن ده‌رمانێن جۆدا جۆدا گرتن.
دیسان ل پارێزگه‌ها كه‌ركوكێ شیان 780 كارتونێن ده‌رمانێن جۆدا جۆدا یێن قاجاخ بگرن ، ل باژێرێ دیالا شه‌ش كلینیكێن نۆشدارى و شه‌ش ده‌رمانخانێن سه‌خته هاتنه گرتن.
Comments are closed, but trackbacks and pingbacks are open.