سایتێ ئۆیل پرایس به‌لاڤكرییه، عیراق بزاڤان دكه‌ت هه‌تا سالا 2027ێ به‌رهه‌مئینانا نه‌فتێ بگه‌هینته حه‌فت ملیۆن به‌رمیلان د ئێك رۆژدا.
دراپۆرتا ئۆیل پرایسدا هاتییه، عیراقێ پلانه‌كا ستراتیژى بۆ بلندكرنا ئاستێ به‌رهه‌مئینانا نه‌فتێ دانایه و بزاڤان دكه‌ت هه‌تا سالا 2027ێ رێژه‌یا به‌رهه‌مئینانێ بۆ زێده‌تر ژ حه‌فت ملیۆن به‌رمیلێن نه‌فتێ دئێك رۆژدا زێده‌بكه‌ت، دگه‌ل هندێ ئویل پرایسێ ئاماژه ب هندێ دا، ب پشتبه‌ستن ل شرۆڤه‌كرنا ژێرخانه‌یا پیشه‌سازییا نه‌فتا عیراقێ، گه‌هشتن ب وێ رێژه‌یا به‌رهه‌مئینانا نه‌فتێ بێى كرنا گهورینێن بنه‌ره‌تى ل كه‌رتێ پیشه‌سازییا نه‌فتێ، دێ یا ئه‌سته‌مبیت.
ئه‌ڤ زانیارییێن ئۆیل پرایس ل سه‌ر بنه‌مایێن داخویانییه‌كا پێشتر یا رێڤه‌به‌رێ گشتییێ كۆمپانییا سۆمۆیه، كو ل حه‌فتییا بوورى ئاماژه ب هندێ كربوو، عیراق دێ بزاڤێ كه‌ت هه‌تا سالا 2027ێ رێژه‌یا به‌رهه‌مئینانا نه‌فتێ دئێك رۆژدا بۆ حه‌فت ملیۆن به‌رمیلان بلندبكه‌ت.
ژلایه‌كێ دیڤه نوونه‌رێ عیراقێ ل ئوپیكێ سه‌عدون محسنى پێشبینیكرییه، ل سالا بهێت بهایێ نه‌فتێ ل بازارێن جیهانێ دناڤبه‌را ( 85 هه‌تا 95 ) دولاراندا جێگیربیت، و دیاركر، د كۆمبوونا بهێت یا ئوپیك پله‌سدا سه‌باره‌ت پێداچوونێ ب ئاستێ به‌رهه‌مئینانا نه‌فتێ ژلایێ وه‌لاتێن ئه‌ندامێن ئوپیكڤه، ره‌وشا بازاران دێ به‌رچاڤ هێته وه‌رگرتن.
نوونه‌رێ عیراقێ ل ئوپیكێ ل دۆر به‌رهه‌مئینانا نه‌فتێ ئاشكراكر، رێژه‌یا به‌رهه‌مئینانا نه‌فتێ ژلایێ وه‌لاتێن ئه‌ندامێن ئوپیك پله‌سڤه گه‌هشتییه 43 ملیۆن به‌رمیلان د ئێك رۆژدا، و عیراق 11% یا ئه‌وێ رێژه‌یێ پێكدهێت.
Comments are closed, but trackbacks and pingbacks are open.