زێ بادینان
فازل میرانی، سکرتێرێ مەکتەبا سیاسی یا پارتی دیمۆکراتی کوردستان بۆ دەنگێ ئەمریکا بەحس ل رەوشا ناڤخۆ یا هەرێما کوردستانێ و پەیوەندیێن پارتی و ئێکەتی، هەروەسا پەیوەندیێن هەرێمێ ل گەل ئیراقێ دکەت.
فازل میرانێ راگەهاند؛ ئەو نوکە د ناڤبەرا پارتی و ئێکەتیێ دا دهێتە دیتن تنێ دەست بادانە، سوپاس بۆ خۆدێ کو نەگەهشتیە دەستشکاندنێ و ل وی دەمی دێ گەهیتەێ ئەگەر شەر پەیدا ببیت، لێ سەرۆک بارزانی ئەو تشتە حەرام کریە و یا دوێ ژی پێشمەرگەیێن هەردو ئالیان حەز نینە شەری بکەن.
دەربارەی کۆمبوونا ل گەل ئێکەتیێ فازل میرانێ گۆت: ڤان نێزیکا پارتی دێ ل گەل ئێکەتیێ کۆم بیت، لێ ئیحتیمالە سەرۆک مەسعوود بارزانی وەک سەرۆک حزب ل گەل بافێل تالەبانی کۆم نەبیت، بەلکو وەک مام و برازا دێ کۆم بن، ژ بەرکو بافێل سەرۆک و سکرتێرێ گشتی یێ ئێکەتیێ نینە و هێشتا هەڤسەرۆکە.
سکرتێرێ مەکتەبا سیاسی یا پارتی دەربارەی پرسا سەرۆککۆماری ژی گۆت: هێشتا پارتی پێداگیرە ل سەر بریارا خۆ، لێ هەمی تشت قابیلی گۆهوڕینێ نە، ژ بەرکو بەرژوەندیێن کوردان ژ هەمی تشتان مەزنترن و ژ پۆستێ سەرۆککۆماری ژی.
دەربارەی داهاتێ هەرێمی فازل میرانی دیار کر، ئەگەر داهاتێ هەرێمێ ب رێکوپێکی بهێتە کۆمکرن، هەرێم پێدڤی ب پارەیێ بەغدا نابیت، هەروەسا دوپات ژی کر کو ئەگەر پارتی و ئێکەتی دەستی ل سەر داهاتێ هەرێمێ راکەن، ئەو دێ تەئمینا بۆدجەیێ هەرێمێ ب مووچە ڤە بکەت. ئەڤە خالەکا لاوازە یا هەردو ئالیان، لەورا پێدڤیە ئێکەتی و پارتی حکومەتا هەرێمێ ژ پارتیبوون و ئێکەتیبوونا خۆ مەزنتر ببینن.
فازل میرانی دا زانین ژی کو چەندین جاران ئالیێن دی ژ حکومەتێ هاتینە ڤەکێشان، یەکگرتوویا ئیسلامی و کۆمەل ژی بۆ دەستڤەئینانا کورسیێن زێدەتر خۆ ژ حکومەتێ ڤەکێشایە و ئەگەر ئێکەتی و گۆڕان ژی دێ بۆ هەمان ئەگەر خۆ ژ حکومەتا ڤێ جارێ ڤەکێشن، بلا خۆ ماندی نەکەن، ژ بەرکو خۆڤەکێشان ئەو چێبووی بەرزە ناکەت.
ئەندامێ مەکتەبا سیاسی یا پارتی دەربارەی هەلبژارتنان ژی گۆت: چ ئالیێن ئیراقێ نەوێرن هەلبژارتنان دوبارە بکەن، ژ بەرکو خەلک ناچیتە دەنگدانێ، خەلکێ ئیراقێ و هەرێما کوردستانی بێزاربوون ژ هەلبژارتنان، ئەگەر نوکە هەلبژارتنان ل هەرێمی بهێنە کرن خەلک دێ چێتە دەنگدانێ، لێ ئەگەر دو سالێن دی بهێنە کرن، خەلک ناچیت.
هەروەسا دەربارەی پۆستێ سەرۆککۆماری ژی دیار کر، شیعان تنێ 10 خۆلەکان پێدڤی ب سەرۆککۆماریە، ئەو 10 خۆلەکەن دەمێ سەرۆککۆمار سویندێ دخۆت و سەرۆکوەزیران رێکدئێخیت، پشتی هنگی نە شیعەیان و نە سوونەیان پێدڤی پێ نامینیت و کوردان ژی پێدڤی پێ نامینیت ژ بەرکو چ پێ ناهێتە کرن و نزانم کورد بۆ بۆچی شەری ل سەر دکەن،
Comments are closed, but trackbacks and pingbacks are open.