فایزەر بایۆنتیك: ڤاكسینێ مە زێده‌تر ژ6 هەیڤان ژی كاریگەرییا خۆ هەیە
زێ بادینان ، جیهانی .
كۆمپانیا فایزەر بایۆنتیك ئەنجامێ تاقیكرنەكێ راگەهاند و دبێژیت: ڤاكسینێ مە پشتی شەش هەیڤا ژی ب رێژەیا 91% كاریگەرییا خۆ هەیە.
كۆمپانیا فایزەر بایۆنتیك د راگەهاندنەكا خۆ دا دبێژیت: پشتی شەش هەیڤان ژ وەرگرتنا قورچا دووێ یا ڤاكسینێ مە ژ لایێ چەندین وەرگران ڤە، دیار بوو كو وی ڤاكسینی كاریگەرییا خۆ مایە و مرۆڤی ژ ڤایرۆسێ كۆرۆنایێ دپارێزیت.
د وێ راگەهاندنێ دا هاتییە: ڤاكسینی چ كاریگەریێن دی یێن لاوەكی ل سەر لەشێ مرۆڤی نینن و دەمێ قورچا دووێ ژی وەردگریت، پشتی شەش هەیڤان ژی ب رێژەیا 91.3% ێ هێشتا كاریگەرییا خۆ هەیە و دشێت بەرسینگێ ڤایرۆسێ كۆرۆنایێ راوەستێت و لەشی ژ وی ڤایرۆسی بپارێزیت.
هەرچەندە كۆمپانیا فایزەر بایۆنتیك ئێكەم كۆمپانیا نینە ئەو ڤاكسینێ دژی كۆرۆنایێ بەرهەم ئینای، لێ كاریگەری و حەز ل سەر وی ڤاكسینی ئێكا هند كر ببیتە ئێكەم كۆمپانیا كاریگەر بۆ دروستكرنا ڤاكسینێ كۆرۆنایێ
Comments are closed, but trackbacks and pingbacks are open.