ئێكه‌تیا ته‌پاپێی یا جیهانێ ل تورا خو یا فه‌رمی رێزبه‌ندیا باشترین هه‌لبژارتیێن جیهانێ بو هه‌یڤا كانونا ئێكێ یا سالا 2021ێ به‌لاف كر و چ گهورینه‌ك ل رێزێن ئێكێ هه‌تا 10ێ دروست روینه‌داینه‌ و بۆ سالا چوارێ لدویف ئێك به‌لچیكا پاراستنا پێشه‌نگیا رێزبه‌ندیێ كر و به‌رازیل ژی ل رێزا دووێ یه‌ و فره‌نسا و ئنگلته‌را و ئه‌رجه‌نتین ژی ل رێزێن سیێ هه‌تا پێنجێ دهێن
لسه‌ر ئاستێ وه‌لاتێن عه‌ره‌بی ژی ژ ئه‌گه‌رێ ئه‌نجامێن جاما عه‌ره‌بی جه‌زائیر قاره‌مانا جامێ رێزا ئێكێ گریته‌ و لسه‌ر ئاستێ جیهانێ چوار پلان سه‌ركه‌فتیه‌ و ل رێزا 28ێ یا رێزبه‌ندیا هه‌لبژارتیێن جیهانێ دهێت و هه‌لبژارتیێ عیراقێ ژی ل رێزا هه‌شتێ یا وه‌لاتێن عه‌ره‌بی دهێت و لسه‌ر ئاستێ جیهانێ هه‌رچه‌نده‌ دوو خالان كێم كریه‌ به‌لێ ب 1333 خالان ل رێزا 75ێ یا رێزبه‌ندیا جیهانێ یه‌
رێزبه‌ندیا فیفایێ بو هه‌لبژارتیان ل سالا 2021ێ بدوماهیك هات و هه‌لبژارتیێ به‌لچیكا ب كومكرنا 1828 خالان و بۆ چواره‌م سال ل دویف ئێك جهێ خو بۆ چ هه‌لبژارتیه‌كی چول نه‌كرى.