فەرمانا گرتنێ بۆ 9 بەرپرسان دەرخست
ب تۆمەتا گەندەلیێ و بکارئینانا دەستهەلاتێ بۆ بەرژەوەندیێن خوە یێن تایبەت، فەرمانا گرتنێ بۆ 9 بەرپرسان دەرکەفت.
دەستەیا دەستپاکییا عیراقێ راگەهاند: ژ بەر گەندەلی و بکارئینانا دەستهەلاتێ بۆ بەرژەوەندیێن خوە یێن تایبەت فەرمانا گرتنێ بۆ سەرۆکێ جڤاتا پارێزگەها کەرکوکێ یێ بەرێ، پەرلەمانتارەکێ پارێزگەها کەرکوکێ یێ بەرێ و ئەندامەکێ جڤاتا هەمان پارێزگەهێ هاتییە دەرکرن.
هەروەسا دیار کر: ل پارێزگەها نەینەوا ژ بەر گەندەلیێ فەرمانا گرتنێ بۆ سەرۆکێ زانکۆیا ته‌کنیکی یا باکۆر یێ بەرێ، رێڤەبەرێ پشکا بەلاڤکرنا بەرهەمێن پەترۆلێ و رێڤەبەرێ پشکا ژمێریاری و رێڤەبەرێ هوبا ژێدەرێن مرۆڤی دەرکرییە.
ل پارێزگەها زیقار ژی فەرمانا گرتنێ بۆ رێڤەبەرێ بەنکا رەشید تایێ پارێزگەها زیقار، رێڤەبەرێ گشتی یێ دەستەیا وەبەرهێنانێ هاتییە دەرکرن.
د هەمان دەمدا دەستەیا دەستپاکیێ فەرمانا گرتنێ بۆ پارێزگارێ بەرێ یێ بابل ژی دەرخستییە.
Comments are closed, but trackbacks and pingbacks are open.