وەزیرێ پلاندانانا ئیراقێ دیارکر، سیستەمێ مووچەی ل ئیراقێ یێ دادپەروەرانر نینە و فەرمانبەرێن د بن پلە پێنج و بەرەڤ خوارێ دا لبن هێلا هەژارییێ دا ژیانا خۆ دبورینن.
خالد به‌تال نه‌جم، وه‌زیرێ پلاندانانا ئیراقێ بۆ میدیایێن ئیراقێ راگەهاند، فەرمانبەرێن د بن پلە پێنج و بەرەڤ خوارێ دا لبن هێلا هەژارییێ دا ژیانا خۆ دبورینن، پێدڤییە ب بڕیارەکا ئاریشا جێوازاییا مووچەی بهێتە چارەسەرکرن.
هەر وەسا ئاماژەکریە، پێدڤییە جێوازاییێن مووچەی بهێنە کێمکرن و دەستکاری د سیستەمێ مووچەیێ ل ئیراقێ دا بهێتە کرن.
گوت ژی:” فەرمانبەر پێکڤە د حکومەتێ دا کار دکەن و جێوازیە مەزن د مووچەیێن وان دا دهێتە دیتن”.
وەزیرێ پلاندانانێ ئاشکراکر، داد پەروەری د داهات و مووچێ کەرتێ حکومەتێ دا نینە و ئەڤەژی بۆ کێمو کاسی د سیستەمێ مووچەی یێ ئیراقێ دا.
دوپاتکر، جڤاتا ئابووری گوتوبێژ دەربارەی وی بابەتی کرینە، بەلێ پێدڤیی ب بڕیارەکا سیاسی هەیە.
هه‌ر وەسا ئاماژەکر:” پێدڤییە هەلگرێن باوەرناما بەکالوریوس ب پلە حەفت بهێنە دامەزراندن.”
Comments are closed, but trackbacks and pingbacks are open.