دیدار تایبه‌ت،زێ بادینان
قه‌زا به‌حركه ئێكه ژ وان قه‌زایانه كو یا نوی یه و نوكه بوویه قه‌زا، به‌لێ ئه‌ڤه به‌ری ببیته قه‌زا ئێك بوویه ژ ناحیێن كه‌ڤن و ناڤ و ده‌نك ل كوردستانێ و هژماره‌كا زۆرا خه‌لكی تێدا دژین وه‌كو زۆریا عه‌شیره‌تێن كوردستانێ، دیسان هه‌یا نها وه‌كو ئاستێ پێدڤی خزمه‌تێن زێده‌تر دڤێن بۆ بهێنه كرن و وه‌ك نموونه چو پاركێن خێزانی نوكه نینه و خه‌لكێ وێ قه‌ستا هه‌ولێر و جهێن دیتر دكه‌ن بۆ ده‌م بۆراندنێێ. سه‌رۆك باژێرڤانی ژی گوت: ئه‌م مژیلی كاركرنا وانین بۆ زێده‌تر خزمه‌تا خه‌لكێ ده‌ڤه‌رێ.
دایکا سارایێ، ئێكه ژ ئافره‌تێن سنوورێ قه‌زا به‌حركه، بۆ زێ بادینان،گوت: ئه‌ڤه پتریا 30 سالانه ئه‌م ل ڤێ سنووری دژین، ئه‌ڤ ده‌ڤه‌ره ئێكه ژ ده‌ڤه‌رێن خودان هزره‌ها شه‌هید و بریندار و كه‌ساتیێن خودان خزمه‌ت د وارێن جۆدا جۆدا دا، ئه‌ڤجا داخاز دكه‌ین كو پشتی بوویه قه‌زا ژی كو پێدڤی خزمه‌ته‌كا زێده‌تر بۆ بهێته كرنێ و نوكه ئه‌م زارۆكێن خۆ بۆ ده‌م بۆراندنێ دبه‌ینه هه‌ولێر یان ده‌ڤه‌رێن دیتر له‌وما ئه‌و چه‌نده ژی بومه دبیته بارگرانییه‌ك و نه‌تنێ نه‌بوونا چ پاركێن خێزانی نینن كو زۆر وارێن دیتر دا یا هاتیه پشگوئێخستن.
مامۆستا محه‌مه‌د سالح بۆ زێ بادینان ئاشكرا كر، بەحرکێ وەک قەزایەکا مەزن، ناڤەندەکا گرنگە بۆ ھەمی دەڤەرا بەڕانەتی و سنوورەکێ بەرفراوان ژی ھەیە و خەلکەکێ زۆر لێ دژیت، ھەروەسا ڕێژەیەکا زۆرا ئاوارەیێن عەرەب و سوری ژی لێ ھەنە و ژ ئالێ ئاکنجییانڤە دەڤەرەکا چڕ و پڕە و ڕێژا ڕوونشتڤانێن وێ یا زۆرە، لێ مخابن ھەتا نھا مینا پێدڤی خزمەتگوزاریێن پێدڤی ژێڕا نەھاتینە دابینکرن، ئێک ژ وان خزمەتگوزارییان، کو گرنگییا خۆ ھەیە بۆ خەلکێ دەڤەرێ، باخچە و پارکەکێ گشتییە…
زێده‌تر گوت، مخابن ھەتا نھا قەزا بەحرکێ یا بێ پارک و باخچەیە و خەلکێ بەحرکێ و دەردورێن وێ ژێ بێ پشک بووینە…
ھەڵبەت، ئەز وەک مامۆستایەک و نڤیسکارەک و ئاکنجییەکێ خەلکێ بەحرکێ، ھەبوونا پارکەکێ گشتی بۆ قەزا بەحرکێ ب کارەکێ فەر و پێدڤی دزانم، بۆ ھندێ ھەم خەلک مفای ژێوەرگریت، ھەم ژ لایێ کەسکاتی و ژینگەھیڤە ژی،
جوانییەکێ بدەتە بەحرکێ. لەوما داخازێ ژ بەرپرس و ئالیێن پەیوەندیدار دکەم، پارکەکێ سەردەمیانە و مودێرن بۆ خەلکی بەحرکێ و دەڤەرا بەڕانەتی ب گشتی چێبکەن و ڤێ ڤاڵاھییا مەزن پڕ بکەن…
سه‌رۆك باژیرڤانییا به‌حركه، ئه‌ندازیار، مموند عبدالوهاب عه‌زیز بۆ زێ بادینان ده‌ربارێ پاركێن خێزانی ب ڤی ڕه‌نگێ به‌رسڤا مه دا، و گونی: مه وه‌كو سه‌نته‌رێ قه‌زا به‌حركه دوو پارك هه‌نه و ئێك ژوانا 70 دونه‌مه و یا دیتر ژی 10دونه‌م بوویه، ئه‌ڤه ژی زێده‌تر پێدڤی هندێ یه كو خزمه‌تا وان بهێته كرن و مه كار ل سه ركریه و به‌رده‌وامین ل سه‌ر زێده‌تر بۆ خومه‌تا خه‌لكێ ده‌ڤه‌رێ بكه‌ین.
Comments are closed, but trackbacks and pingbacks are open.