ئێڤارییا ئەڤرۆ ڕۆژا ئێكشەمبی قوباد تاڵەبانی جێگرێ سەرۆكێ حكومەتا هەرێما كوردستانێ ل باژاڕێ سلێمانیێ سەرپەرشتییا كۆمبوونەكا ئەمنی كر و ماموستا ئەژی ئەمینی وەكو سەرۆكێ دەزگەهێ زانیاری دامەزراند.
د وێ كۆمبوونێدا كو ل دەباشان هاتە سازكرن، پشتی جێگرێ سەرۆكێ جڤاتا وەزیران، سەرۆكێ نوو یێ دەزگەهێ زانیاری ناساندی، داخواز ژ هێز و لایەنێن ئەمنی كر لسەر ئەركێن خۆ دبەردەوام بن بۆ پاراستنا ئارامیێ و ئەو هەڤكارییا هەیی خورتر لێبكەن، و قوباد تاڵەبانی ئاماژە كرە وێ چەندێ، كو نابیت هێز و لایەنێن ئەمنی بهیچ شێوەیەكی دەستوەردانێ دكاروبارێن سیاسیدا بكەن، بەلكو پێدڤییە وەڵاتیان پشت ڕاستبكەن لسەر دابینكرنا ئاسایش و ئارامیێ.
دهێتە زانین هەر ئێك ژ وەزیرێ پێشمەرگە و سەرۆكێ دەزگەهێ ئاسایش و بریكارێ وەزارەتا ناڤخۆ و ڕێڤەیەرێن ئاسایش و پۆلیسێن پارێزگەها سلێمانیێ و بەرپرسێ لیوا پاراستنا سلێمانیێ بەشداری كۆمبوونێ بوون.
Comments are closed, but trackbacks and pingbacks are open.