ئابوری قوناغه‌كا دی یا پاره‌یێ گه‌نمێ جۆتیاران دێ هێته مه‌زاختن By زێ بادینان Last updated نیسان 3, 2021 رێڤه‌به‌رییا گشتى یا وه‌زاره‌تا بازرگانییا هه‌رێمێ دوو ملیار دینار بۆ جۆتیارێن دهۆكێ دێ هێنه خه‌رجكرن رێڤه‌به‌رییا گشتى یا وه‌زاره‌تا بازرگانییا هه‌رێمێ راگه‌هاند، كو قوناغه‌كا دی یا پاره‌یێ گه‌نمێ جۆتیاران دێ هێته مه‌زاختن، و ره‌نگه د حه‌فتییا داهاتى دا ده‌ست ب به‌لاڤكرنا وى پاره‌ى بهێته كرن.لاپه‌ره‌یێ فه‌رمیێ وه‌زاره‌تا بازرگانییا هه‌رێمێ به‌لاڤكرییه، نه‌وزاد شێخ كامیل رێڤه‌به‌رێ گشتیێ بازرگانى ل وه‌زاره‌تا پیشه‌سازی و بازرگانییا هه‌رێمێ راگه‌هاندییه، حكومه‌تا ئیراقێ قوناغه‌كا دی یا پاره‌یێ گه‌نمێ جۆتیاران بۆ سالا 2020ێ دێ مه‌زێخیت، كو كوژمێ وێ دگه‌هیته 130 ملیار دیناران و پشكا جۆتیارێن هه‌رێما كوردستانێ دێ ژێ هێته دان، كو شه‌ش ملیار و 500 ملیۆن دینارن. نەوزاد شێخ کامیل راگه‌هاندییه ژى، كو ئه‌ڤ كوژمێ پاره‌یى 2 ملیار و 500 ملیۆن دینار بۆ سلێمانیێ، و دوو ملیار بۆ هه‌ولێرێ و دوو ملیار ژى بۆ دهۆكێ دێ هێنه مه‌زاختن. ئه‌ڤه ژى د ده‌مه‌كیدایه كو سه‌رجه‌مێ شایسته‌یێن دارایی یێن گه‌نمێ جۆتیارانێن هه‌رێما كوردستانێ بۆ سالا 2020ێ 220 ملیار دینارن، و د نوكه دا و پشتى خه‌رجكرنا ئه‌ڤى كوژمێ پاره‌یى نێزیكى 79 ملیار و 454 ملیۆنان ژلایێ حكومه‌تا ناڤه‌ندى ڤه دێ مینن. Share FacebookTwitterWhatsApp
Comments are closed, but trackbacks and pingbacks are open.