قەتەر، ئەڤ سالە بۆ ئێکەم جار د دیرۆکا وی وەلاتی دا دێ هەلبژارتن هێنە کرن

زێ بادینان ، جیهانی.

قەتەرێ ئەڤ سالە بۆ ئێکەم جار د دیرۆکا وی وەلاتی دا دێ هەلبژارتن هێنە کرن و میرێ وی وەلاتی دخوازیت وەلاتی پشکدار ببن.

هەلبژارتنێن قەتەرێ دێ بۆ هەلبژارتنا ئەندامێن جڤاتا شوورایێ بن کو دێ ژ 45 ئەندامان پێک هێن و 15 ژ وان دێ ژ ئالیێ میرێ قەتەرێ ڤە هێنە دانان و 30 دێ د هەلبژارتنان دا هێنە دیارکرن.

ئاژانسا نووچەیێن قەتەری ژ زارێ تەمیم بن ئەحمەد ئال سانی، میرێ قەتەرێ راگەهاند: هەلبژارتنێن جڤاتا شوورا یا وی وەلاتی دێ ل رۆژا 2-10-2021ێ هێنە کرن و دێ بنە ئێکەم هەلبژارتن د دیرۆکا وی وەلاتی دا.

ژ ئالیێ خۆ ڤە، سەرۆکوەزیرێ قەتەرێ و وەزیرێ ناڤخۆ یێ وەلاتی داخواز ژ وەلاتیان کریە، پشکداری هەلبژارتنان ببن.

قەتەرێ ل سالا 1971ێ سەرخوەبوونا خۆ وەرگرتیە و ل گۆرەی ئامارا سالا 2013ێ، ژمارەیا ئاکنجیێن قەتەرێ 1.8 ملیۆن کەسە کو بتنێ 300 هزار ژ وان قەتەری نە و یێن دی بیانی نە.