وه‌زاره‌تا خۆاندنا بلند و ڤه‌كۆلینێن زانستى ل حكومه‌تا هه‌رێما كوردستانێ راگه‌هاند: كاركرنا سه‌رجه‌م ریڤه‌به‌رێن دناڤ وه‌زاره‌تا خۆاندنا بلند ل زانكۆ و په‌یمانگه‌هێن ئه‌هلى هاته قه‌ده‌غه‌كرن.
ل دوڤ نڤیسینه‌كا وه‌زاره‌تا خۆاندنا بلند و ڤه‌كۆلینێن زانستى بریار هاتیه دان، رێ ل سه‌رجه‌م رێڤه‌به‌رێن دناڤ وه‌زاره‌تا خۆاندنا بلند و ڤه‌كۆلینێن زانستى، بۆ وانه گوتنێ، یان كاركرن وه‌ك ستاف ل سه‌رجه‌م زانكۆ و په‌یمانگه‌هێن ئه‌هلى سه‌رب وه‌زاره‌تێ ڤه، قه‌ده‌غه كرن، و دنڤیسینێ دا هاتیه هه‌ركه‌سێ وى كارى بكه‌ت دێ لێپرسینا قانونى دگه‌ل هێته كرن.
وه‌زاره‌تێ ئاماژه ب هندێ ژى كر، ئه‌و بریار ژبه‌ر هندێ هاتیه دان، پشكه‌كا زۆر ژ رێڤه‌به‌رو به‌رپرسێن وه‌زاره‌تێ، ل زانكۆ و په‌یمانگه‌هێن ئه‌هلى وانان دبێژن، ئه‌ڤه دبیته ئه‌گه‌ر باوه‌ریا كاركرنێ ل كه‌رتێ حكوومى لاواز بیت.
Comments are closed, but trackbacks and pingbacks are open.