نۆشدارا ددانا. رەڤین احسان ئاميدي
د دەمێ دوگيانيێ دا ئەو گوهۆرينێن فزیولوژی رووددەن، دبنه ئەگەرێ پەيدابوونا گوهۆرينێن بەرچاڤ د بوشاييا دەڤيدا وەك ( هەدانا پی، لڤينا ددانی، رزيبوون وخراببوونا ددانی و گەلەکێن د…)و نەخۆشيا ژ هەموويان بەرچاڤتر كو نێزيكی٤٠٪ ژنێن دوگيان دگريت هەودانا پدیێ یە و دڤێت ژن بهێتە ئاگەهدارکرن ل سەر وان گوهارتنێن پەیدادبن و دوپاتی بهێتەكرن ل سەر جاڤدێريەكا دروست ژبو پاراستنا ساخلەميا دەڤ و ددانان و ئاموژگاری بهێنەدان بو ژنا دوگيان كو پاراستنا بەردەوام يا دەڤ و ددانا دبيته ئەگەر کو ساخلەمیا گشتی يا ژنێ باشتر بيت د دريژاهيا ژيانێ دا و چاڤدانەكا دروست د دەمێ دوگيانيێ دا دبيته ئەگەرێ كێمبوونا رێژا ڤەگوهاستنا بەكتريايێن زيانبەخش ژ دايكێ بو زاروكی و ئەڤە دبيته ئەگەرەک بو كێمبوونا رزينا ددانێن زاروكی د پاشەروژێ دا.
ژنا دوگيان دڤێت بهێته پشتراستكرن كو ئەف خالێن ل خارێ دڤێت بهێنەكرن ئەگەر پێدڤی بيت د چو قۆناغا دوگيانيێ دا بيت بێ كو چ مەترسی ل سەر دايكێ يان زاروكی هەبن بێ گيرۆکرن:
١- پشكنين و پاراستنا ددانی. ٢- تيشكا ددانی (دگەل بەربەستی ب تايبەت لسەر زكی و حەفكا ژنان).
٣- بەنجا ددانی.
٤- ئينانەدەرا ددانی.
٥-پڕکرنا رەهێن ددانی.
٦-پركرن و پاڤژكرنا ددانی.
و ل دووماهيێ دڤێت ژنا ب دوگيان بهيته ئاموژگاریكرن: ١- ل سەر پاراستنا بەردەوام يا دەڤ و ددانا و كێم ب كارئينانا خارن و ڤەخارنا گەلەک شەکر تێدا.
٢- شووشتن و فرچەكرنا ددانی دگەل مەعجينا فلورايد تێدا رۆژانە ٢ جاران.
٣- بكارئينانا دەرزیێ ددانا روژانە جارەکێ.
٤- ب کارئینانا غەرغەرێ بو كێمكرنا بەكتريايێن دناڤ دەڤي دا
٥- سەرەدانا بەردەوام يا ژنێ بو لایێ نۆشدارێ ددانان، ب کێماتی شەش هەیڤان جارەکێ.
٧- بو وان ژنێن گەلەک عێلنجی هەبن ب تايبەت دهەيڤێن دەسپێكێ و دووماهیێ دا، دشێت غەرغەرا ب (پاكينك سودا) بكەت و ب ڤی رەنگی” ( کاچکەکێ چايێ تێکەلی کۆپەکێ ئاڤێ بهێتەكرن).
و ل دووماهيێ داخازا ساخی و سلامەتيێ و ساخلەمیەکا باش بو هەميان.
Comments are closed, but trackbacks and pingbacks are open.