خانما سترانبێژ نۆپه‌ل هه‌ژان، خه‌لكا باژێرێ باتمانێ یه ل باكوورێ كوردستانێ و نوكه ژی ل هه‌مان باژێر دژیت، نوكه د ژیێ 25 سالیێ دایه و ئه‌ڤه ده‌مێ 14 سالانه د وارێ هونه‌ری دا كار دكه‌ت و سترانان دبێژیت، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیار كر: د ناڤا مالباته‌كا هونه‌ری دا مه‌زن بوویه، كو پرانیا كه‌سێن مالباتا وێ هونه‌رمه‌ند و هونه‌ردوست بووینه، له‌وما وێ ژی ستران گۆتینه، وێ ڤیایه ب ده‌نگێ خوه هه‌رده‌م خزمه‌تا هونه‌رێ كوردی بكه‌ت.
نۆپه‌لێ خویا كر كو: بۆ ده‌مه‌كێ درێژ ئه‌و مایه ل باژێرێ دهۆكێ و وێ چه‌ندین كارێن هونه‌ری ل وی باژێری ئه‌نجامداینه، هه‌روه‌سا به‌ری دو سالان وێ دووماهی كلیپا خوه یا ب ناڤێ ” گۆڤه‌ند ” به‌لاڤ كریه، ژ به‌ر هاتنا كۆرۆنایێ وێ چو كارێن نوو به‌لاڤنه‌كرینه، لێ نوكه ئه‌و مژوولی تۆماركرنا هنده‌ك كارێن نوو یێن هونه‌ریه، د هه‌مان ده‌م دا ئه‌و دێ دو سترانێن دویت ژی تۆماركه‌ت، دێ وان سترانان كلیپ ژی كه‌ت و گۆت: “من لبه‌ره ئه‌لبۆمه‌كا سترانان ژی د سالا نوو دا چێكه‌م، لێ نوكه ئه‌ز حه‌ز دكه‌م ب تنێ سترانێن سینگل بێژم و كلیپ بكه‌م، دیسا من لبه‌ره هنده‌ك كارێن هونه‌ری ل هه‌رێما كوردستانێ ژی ئه‌نجام بده‌م”.
Comments are closed, but trackbacks and pingbacks are open.