كه‌تەلوکا میسالی یان ژی یا وەهمی
بێریڤان خدر
ئــەم گەلەک جارا بریارێ ل سەر تشتێن ژێوارى دده‌ین ب پیڤەرێن خەیالی و وەهمی، ئەو پیڤەرە د ژێوارى دا نینە
دێ بینی کەسەکل دەوامێ دزڤریت و دڤێت هەموو فەرمانبەرێن لدەور و بەرێن خوه بکەتە دبن فه‌رمانا خوه دا، هەر وەکو چه‌وا دخەیالا خوه دا دروست کری كو وەکو ئەکتەرێن دفلمێن مافیان دا ره‌فتارێ ل گەل وان فەرمانبەران دکەت، به‌لێ د ژێوارى دا نابێت ئه‌ڤ یه‌ك ل گەل وان بهێته‌كرن و دێ وه‌سا بینى كو ناکوکی و دلمان پەیدا بوو دناڤبەرا رێڤەبەر و فەرمانبەرا دا.
یان ژی بو نمونە:
دێ رێکلامەکی ل تەلەفزیونه‌كێ بینى كو ئافرەتەکا جوان ژخەو ڕابوى و ناف چاڤێن وێ پاقژ و جوان و روناهی ژێ دچێت و ب پرچەکا شه‌كرى هاتە د لێنانگەهێ دا و پەنجەرە ڤەکر، پەنجەر ژى خەملاندیە ب گولێن رەنگا و رەنگ و پەلاتینک ل رەخ و دورا دفرن و دەنگێ بلبلا دهێت و ئافرەت و زەلام دێ روینن و بێ دەنگی دێ ل گەل زاروکەکێ تێشتێ خون بشێوەکێ میسالی ئـەڤ وێنە دێ دمێشکێ زەلامی دا کوپی بێت و دێ کتە پیڤەر بو ژیانا ژێوارى.
پشتی زەلام سپێدێ ژ خەو رادبت و دهێتە دواقعی دا دێ بینت كو هەڤژینا وی ژ خەو ڕابو پرچا وێ قژو ڤژە و چاڤێت وێ هێشتا نە شوشتینە و دێ چیتە لێنانگەهێ و خوارنەکی به‌رهه‌ڤ كه‌ت و گازێ زەلامێ خوه كه‌ت، زەلام ژى چوو بێهنێن خوش نابینیت و چوو بلبل و پەلاتینکا ژى نابینت و وێ روناهیێ نابینت ئـەوا ژ دێمێ کچا رێکلامێ دچوو.
لڤێرێ زەلام دێ
کەڤتە د شاشیێ دا و دێ بریارێ ل سەر هەڤژینا خوه ده‌ت ب پیڤەرەکێ وەهمی و میسالی، دویری ژێوارى.
و دێ هزرکه‌ت هەڤژینا وی نەیا باشە و ب کێرى ژیانا وی ناهێت و كێماسیان د راستا وى دا دکه‌ت، پاشى دەست ب گازندا که‌ت و بێ ئەگەر ئـەو دێ پێکولا که‌ت هەڤژینا وی ژی وەکو کچا درێکلامێ دا بیت، كو ئـەڤ تشتە ژى مەحالە.
یان ژی تو رابی کەتەلوکە کا کومپانیەکا ترومبێلا بخوینی، پاشى وێ ترومبێلێ بکری، به‌لێ پشتى ترومبێلێ دئنیه مال دێ بینی ئـەو سالوخه‌ت دوێ ترومبێلێ دا نینن یێن کو د کەتەلوکا وێ دا هاتین هەر وەکو گوتی تو ترومبێلێ ل دیواری ژی بده‌ی خوه خیچکەک لێناهێت یان ژی خوه ئـەگەر بده‌تە رووباری ژی نامینتە ئـاسێ، هوسا تو دێ بریارێ ل سەر وێ ترومبێلێ دی ب کەتەلوکەکا وەهمی و میسالی و دویری ژێوارى.
لدیف ڤێ کەتەلوکێ دێ هزرکه‌ی ترومبێلا تە یا خراپه، به‌لێ ئـەو بخوه ترومبێل یا دروستەو چوو كێشه نینن، به‌لێ كێشه ژ کەتەلوکێ یە.
ئـەرێ یا دروستە پاش تو بچی ترومبێلێ بزڤرینی و بێژى من نەڤێت مانێ نافریت !
نابیت تو بریارێ ب وەهم و میسالیەتێ ل سەر چ تشتان بده‌ی، ئه‌ڤجا چوو چ مال و خانیێ ته‌بیت یان ژى مللەت وسەروک و دەیک و باب، رێبازێن فه‌لسفی بن، ئول و پێغەمبەر بن یان زاروك و خێزانا ته بیت یان هه‌ر تشته‌كێ دى بیت بڤى ره‌نگى بیت، چوو تشت ب تمام نینە ومە یێ هەی یێ باش و یێ ژ هەموان ژى باشتر.
Comments are closed, but trackbacks and pingbacks are open.