گرنژین ئێك ژ پترین چالاكیێن مفایان بۆ له‌شی ڤه‌دگه‌رینت، ئه‌گه‌ر گرنژین نه‌ یا سرۆشتی ژی بت، شینواره‌كێ ئه‌رێنی لسه‌ر مرۆڤی و ساخله‌مییا له‌شی و مێشكی یا مرۆڤی دهێلت.
ل دویڤ مالپه‌رێ “بولد سكای” یێ تایبه‌تمه‌ند ب ساخله‌میێ گرنژینێ پێنج مفایێن گرنگ یێن ساخله‌می بۆ مرۆڤی یێن هه‌ین و ئه‌و ژی:
1- به‌لاڤكرنا په‌تایا گرنژینێ:
گه‌له‌ك جاران ده‌مێ ئه‌م دبینین كه‌سه‌ك یێ د گرنژت په‌تایا گرنژینێ دهێت مه‌ و ئه‌م ژی دگرنژین، و ڤه‌كولینان ژی دووپاتكریه‌ كو ده‌مێ مرۆڤ دبینت كه‌سه‌كێ د گرنژت، كارتێكرنێ ل پشكه‌كا ده‌ستنیشانكری یا مێشكی دكت، كو ئه‌و پشكه‌ كونترولا لڤینا ناڤچاڤان دكت و دبته‌ ئه‌گه‌رێ گرنژینا مرۆڤی.
2- كێمكرنا دوودلیێ و رحه‌تكرنا دلی:
ل ده‌مێ كه‌سه‌ك د گرنژت و ئه‌و د بن فشاره‌كا ده‌ماری یا مه‌زن، دژوارییا فشارێ دهێت خار و په‌ستانا لسه‌ر دلی كێم كێم دبت، و ب ڤێ چه‌ندێ هه‌ستكرن ب رحه‌تیێ پتر لێ دهێت.
3- هورمونێن ئێندروفین ده‌رددت:
هورمونێن ئێندروفین به‌رپرسن ژ هه‌ستكرنا ب شادیێ، و ئه‌ڤ هورمونه‌ دهێنه‌ ده‌ردان ده‌مێ هنده‌ك جورێن چالاكیێن ده‌ستنیشانكری دهێنه‌ ئه‌نجامدان وه‌ كی غاردان و ئه‌نجامدانا وه‌رزشێ، و بتنێ ب گرنژینا مرۆڤی ئه‌ڤ هورمونه‌ دهێنه‌ ده‌ردان .
4- به‌رگرییا له‌شی بهێز دئێخت:
گرنژین هاریكارییا به‌رهه‌مئینانا ته‌پكێن سپی دناڤ له‌شی دا دكت، كو به‌رپرسن ژ رێگریكرنا مرۆڤی ب نه‌خوه‌شییان.

5- باشتركرنا ساخله‌مییا مێشكی:
كارتێكرن بیرتیژی و مێشكی مرۆڤی دكت د چارچوڤه‌یه‌كێ ئه‌رێنی دا بۆ ده‌مه‌كێ درێژ و ب ڤێ چه‌ندێ كارتێكرن ل ساخله‌مییا مێشكی دهێته‌ كرن وباشتر لێ دهێت.