كوردێن رۆژئاڤا هەلبژارتنێن سەرۆكاتییا سووریێ بایکۆت کرن
ئەڤرۆ، هەلبژارتنێن سەرۆكاتییا سووریێ دەستپێكرن و ل رۆژئاڤایێ كوردستانێ بایكۆتا هەلبژارتنان هاتە كرن.
پشتی دەربازبوونا 10 سالان ل سەر روودانێن سووریێ، بۆ جارا ئێکێ هەلبژارتنێن گشتی ل وی وەلاتی هاتنەكرن، لدووڤ ژێدەرێن نووچەیان، ئەمریكا داخواز ژ دەستهەلاتا رێڤەبەرییا خۆسەر یا باكورێ رۆژهەلاتێ سووریێ كرییە پشکداریێ د هەلبژارتنێن سەرۆكاتییا سووریێ دا نەکەن و ئەو پرۆسە د سنورێن دەستهەلاتا رێڤەبەرییا خۆسەر دا نەهێتە ئەنجامدان، ب تایبەتی ل دەڤەرێن كوردی دەلیڤە نەهێتەدان سندوقێن دەنگدانێ بهێنە دانان، بەلێ سەرەڕای وێ داخوازیێ سندوقێن دەنگدانێ ل چارگۆشەیێن ئەمنی ل هەردو باژێرێن حەسەكێ و قامشلوۆ ژلایێ دەستهەلاتا حكومەتا سووریێ ڤە هاتنە دانان.
لدووڤ هندەك میدیایێن نێزیكی رێڤەبەرییا خۆسەر، وەكو كارڤەدانەك ل هەمبەری رێنەدان بۆ ئەنجامدانا هەلبژارتنان ل باكورێ رۆژهەلاتێ سووریێ، سەرۆكێ وەلاتی بەشار ئەسەدی، گەف كرینە كو هەر كوردەكێ دناڤ سازیێن دەولەتێدا كار دكەت، هەکە پشکداریێ د هەلبژارتناندا نەکەت، دێ ژسەر كارێ وی هێتە لادان.
Comments are closed, but trackbacks and pingbacks are open.