كوردو عومەر: كوشتنا ژنان ب هەنەیا شەرەفێ زۆر كێم بووییە
كوردو عومەر، ڕێڤەبەرێ گشتیێ ڕێڤەبەرییا بەرهنگارییا توندوتیژییا دژی ژنان و خێزانێ ڕاگەهاند، ب براورد دگەل ساڵێن كوشتنا ژنان و كچان ب هێجەتا پاقژكرنا شەرەفێ ل هەرێما كوردستانێ زۆر كێم بووییە، ژبەركو یاسا سزادانا بكوژێن ژنان هاتییە گوهارتن و هەر كەسێ ژنەكێ لسەر ڤێ پرسێ بكوژیت، دێ ب زیندانكرنا هەتا هەتایی هێتە سزادان و هیچ لێبورینەك ژێ ناگریت.
كوردو عومەر، بۆ دەنگێ ئەمریكا گوت: مە وەكو ڕێڤەبەرییا گشتییا بەرهنگاربوونا توندوتیژیا دژی ژنان و خێزانێ داخواز كرییە، لیژنەكا هەڤپشك ل هەموو باژاڕ و پارێزگەهان بهێتە پێكئینان، بۆ دیڤچوون و دەستەسەركرنا وان كەسێن ژنان دكوژن و پاشی جهێ ئاكنجیبوونا خۆ دگهورن، ژبەركو زۆر تاوانبار پشتی ئەنجامدانا تاوانێ خۆ بەرزە دكەن، و ناڤبری گوت: هەر كەسێ تاوانەكا ژ وی شێوەی ئەنجام بدەت و خۆ بەرزە بكەت، دێ وێنێن وی ل گشت باژاڕان هێنە بەڵاڤكرن، دا زوو بهێتە دەستەسەركرن.
Comments are closed, but trackbacks and pingbacks are open.