كچەكا دی یا كوردێن ئێزدی ژ دەستێ گرۆپا تیرۆرستا داعش هاتە رزگار كرن.
مالا ئێزدییان ل رۆژئاڤایێ كوردستانێ د بەیانەكا خۆ دا راگەهاند: كچەكا ئێزدی یا خەلكێ شنگال ب ناڤێ رۆسیتا حەجی باجۆ ل كەمپا هۆل ژ دەستێ تیرۆرستێن داعش هاتییە رزگار كرن.
د وێ بەیانێ دا هاتییە: ئەو كچ ژ دایكبوویا سالا 2006 ێیە و ل (تەلقەسەب) ل قەزا شنگال ژ دایك بوویە و دەمێ ل سالا 2014 ێ تیرۆرستێن ب سەر شنگال دا گرتی، ژ لایێ وێ گرۆپێ ڤە هاتبوو رەڤاندن و بابێ و سێ مامێن وێ و پسمامێن وێ هاتینە كوشتن و دەیكا وێ ژی خۆ كوشتییە داكو نەكەڤیتە دەستێ وان تیرۆرستان.
رۆسیتا حەجی باجۆ یا هەمی ئەندامێن خێزانا خۆ ژ دەستداین، بڕیاردایە ڤەگەڕیێتە تەلقەسەب و دگەل پسمامێ خۆ بژیت.
Comments are closed, but trackbacks and pingbacks are open.