كۆمبوونا بهێت یا پەڕلەمانی دێ ل سەر بودجێ و مووچەی بیت
بڕیارە پەڕلەمانێ كوردستانێ د نویترین كۆمبوونا خۆ دا گەنگەشێ ل سەر پڕۆژێ یاسایا بودجە و مووچەیێن فەرمانبەرێن هەرێما كوردستانێ بكەت، هەروەكی سەرۆكا پەڕلەمانی گۆتی.
رێواز فائق سەرۆكا پەڕلەمانێ كوردستانێ د پەیڤەكا رۆژنامەڤانی دا راگوهاند: كۆمبوونا بهێت یا پەڕلەمانی دێ بۆ گەنگەشەكرنا بابەتێن پڕۆژێ یاسایا بودجە و مووچەیێن فەرمانبەرێن هەرێما كوردستانێ بیت.
ژ لایێ خۆڤە زیاد جەبار سەرۆكێ لیژنا دارایی یا پەڕلەمانی گۆت: هژمارەكا پەڕلەمانتاران دوو یاداشت ئاراستەی سەرۆكاتییا پەڕلەمانی كرینە بۆ گەنگەشەكرنا بودجە و بابەتێ ژێبڕینا مووچەیێ فەرمانبەران.
وی پەڕلەمانتاری گۆت: سەرۆكاتییا پەڕلەمانی ژی هەردوو یاداشت ئاراستەی حكومەتا هەرێمێ كرینە و پەڕلەمان ل هیڤییا بەرسڤا پەڕلەمانییە.
Comments are closed, but trackbacks and pingbacks are open.