ژ ئه‌گه‌رێ لیگه‌ریان و وان پشكنینێن كوێتی ل كه‌نداڤێ عه‌ره‌بى و سنووری كه‌نارێن ئاڤى یێن عیراقێ دكه‌ن، مه‌ترسیه‌كا مه‌زن لسه‌ر پرۆسا ڤه‌گوهاستنا په‌ترۆلا عیراقێ دروست بووه، و ئه‌گه‌ر نه‌هێته چاره‌سه‌ركرن، دێ پرۆسا ڤه‌گوهاستنا په‌ترۆلا عیراقێ ب رێكا كه‌نداڤا عه‌ره‌بى ژناڤ چیت.
لدووڤ ده‌نگ وباسێن ده‌زگه‌هێن راگه‌هاندنێ، د چارچوڤێ رێكه‌فتنا خوه یا به‌رى نوكه دا دگه‌ل حكومه‌تا عیراقێ رێكه‌فتیه، پرۆسه‌كا به‌رفره‌هـ یا دیفچوون و پشكنینێ ل سنوورێن ئاڤى یێن خوه ل عیراقێ ده‌ستپێكرینه.
عامر عه‌بدولجه‌بار، په‌رله‌مانتارێ عیراقێ كو وه‌زیرێ ڤه‌گوهاستنێ یێ به‌رێ راگه‌هاند، ئه‌و كارێ كۆێت دكه‌ت پێدڤیه رێوشوێنێن یاسایى و دیپلۆماسى لبه‌رامبه‌ر بگرنه‌به‌ر.
د هه‌مان ده‌مدا داخواز ژ محه‌مه‌د شیاع سودانى، سه‌رۆك وه‌زیرێن عیراقێ كر، پێدڤیه حكومه‌تا بریارێن حكومه‌تا كازمى هه‌لوه‌شینیت كو گرێدایى كۆمبوونا 23ى ته‌باخا ئه‌فساله دناڤبه‌را هه‌ردوو وه‌زاره‌تێن ڤه‌گوهاستن عیراق و كوێتێ ده‌رێخستین، كو بویه ئه‌گه‌رێ هندێ نوكه كوێت پرۆسا لێگه‌ریان و پشكنینێن په‌ترۆلێ ل سنوورێن ئاڤى ئه‌نجامدده‌ت.
Comments are closed, but trackbacks and pingbacks are open.