دكتور كەمال ئەتروشی، وەزیرێ سامانێن سرۆشتی دحكومەتا هەرێما كوردستانێدا دەست ژكاركێشانا خۆ ڕاگەهاند و سەرۆكێ حكومەتێ ژی داخوازناما وی ئیمزاكر.
د ڕاگەهاندنەكێدا نڤێسینگەها سەرۆكێ حكومەتا هەرێما كوردستانێ ئاشكراكر، ل پێشی نوكە بارێ ساخلەمییا دكتور كەمال ئەتروشی وەزیرێ سامانێن سرۆشتی ئاڵۆز ببوو، لەورا چەندین جاران ب مەبەستا وەرگرتنا چارەسەریێ داخوازا مۆلەتێ دكر، نوكە دووبارە و هەر بمەرەما وەرگرتنا چارەسەریێ كەمال ئەتروشی ل بەرە سەرەدانا دەرڤەی وەڵاتی بكەت، و یێ پێدڤی دەمەكێ درێژە بۆ چارەسەریێ و ب حەزا خۆ دەست ژكاركێشانێ پێشكێشی جڤاتا وەزیران كرییە و دەست ژكاركێشانا وی هاتە قەبوولكرن و ژلایێ مەسرور بارزانی سەرۆكێ حكومەتێ ڤە هاتە ئیمزاركرن.
ل گورەی راگەهاندنا نڤێسینگەها سەرۆكێ حكومەتێ، مەسرور بارزانی بڕیار داییە كەمال ئەتروشی وەكو شیرەتكارێ سەرۆكێ حكومەتێ بۆ كاروبارێن ووزێ ل گورەی شیانێن خۆ بەردەوامیێ بدەتە خزمەتێ.
نڤێسینگەها سەرۆكێ حكومەتێ ئەو چەندە ژی ئاشكرا كر، بۆ پڕكرنا جهێ وەزیرێ سامانێن سرۆشتی، كەمال محەمەد سالح، وەزیرێ كارەبێ هاتییە ڕاسپاردن ب وەكالەت وەزارەتا سامانێن سرۆشتی بڕیڤەببەت.
Comments are closed, but trackbacks and pingbacks are open.