كەمال محەمەد سالح، وەزیرێ سامانێن سروشتی ب وەكالەت ئه‌ڤرۆ راگه‌هاند، خواستیا ب كارئینانا پانزینێ ل هەرێما كوردستانێ رۆژانە 5-6 ملیۆن لترە، وەزارەتا سامانێن سروشتى ژ سێ ژێده‌ران پانزینێ دابین دكه‌ت، ئێك ملیۆن لتر ل پارزینگه‌ها (كار) و ئێك ملیۆن و 50 هزار لترێن دی لدووڤ رێككه‌فتنا دناڤبه‌را وەزارەتا سامانێن سروشتی و وەزارەتا په‌ترۆلا عیراقێ و یا دى ژ ده‌رڤه‌یى هەرێمێ دهێته هنارتن، به‌لێ یا گرانبوونێ تایبەتە ب عیراقێ ڤه د 45 رۆژان هنارتنا پانزینێ هاته ڕاگرتن بهایێ وێ گران بوو و خواستنا پانزینێ ل عیراقێ بلندبوویه.
وەزیرێ سامانێن سروشتی دیاركر: پێشبینى دهێته‌كرن د حه‌فتییه‌كێدا، 3 ملیۆن لترێن پانزینێ بكه‌ڤنه د بازاریدا. بۆ هەر لتره‌كا پانزینێ 1200 دینار لسەر حكومەتێ دكه‌ڤیت و 400 دینار پشته‌ڤانى بۆ دهێته‌كرن بۆ هندێ بهایێ وێ بۆ 800 دینار داكه‌ڤیت و بۆ 3 ملیۆن لترێن پانزینێ رۆژانە ملیارێك و 200 ملیۆن دینار پشته‌ڤانیا حكومەتێ یه بۆ بهایێ پانزینێ.
Comments are closed, but trackbacks and pingbacks are open.