زێ بادینان
ئەڤرو ئەم وەکی ناوەندێ باڵایێ بارزان سەر ب ئێکەتیا لاوێن دیموکراتا کوردستانێ هەستاین ب درێژە پێدانا هەلمەتا خو یا ژینگە پارێزیێ ل ژێر ناسناڤێ (بــارزان قــوتــابـخـانــا ژیــنـگـە پــارێـزیــێ و پــێـکـڤـە ژیــانـێ یــە) کو هەرجار جهەکی گەشتیاری و پاڵکێشێ دەڤەرا بارزان خاوین دکەین ڤێ جارێ ژی مە (ســەیـرانـگـەهـا رێــزان)هەلبژارد ب بەژداریا کومەکا لاوێن کور و کچ هەستاین ب خاوین کرنا ژینگەهێ ڤێ سەیرانگەھێ ل دەڤەرا بارزان …
دڤێرەدا ئەم داخازێ ل هەمی خەلکێ دەڤەرا بارزان ب تایبەتی و خەلکێ هەرێما کوردستانێ ب گشتی دکەین دەمێ سەرەدانا هەر جهەکێ گەشتیاری دکەن ژینگەهــ و سروشتێ جوان و ب پاك و خاوێنی رابگرن ..
ئارمانجا مە دڤێ ھەلمەتا ژینگە پارێزیێ دا ئەوە کو ھەمی ھاولاتیێن ھەرێما کوردستانێ چاڤ لمە بکەن و دگەل مەدا ھاریکار بن ب تایبەتی گەشتیار ، چونکێ ب ھەلمەتەکێ و دووا ئەڤ جھێن گەشتیاری ناھێنە خاوین کرن و پاراستن لەوما پێدڤیە ل سەر مە ھەمیان ژینگە دوست بین دەمێ سەردانا ھەر جھەکێ گەشتیاری دکەین بەرمایکێن خو دگەل خو راکەین و ب دانێینە جھێن مەبەست ..
ئەم وەکی ناوەندێ باڵایێ بارزان هەستاین ب دانا صەتڵەکا گلێشی بو هندێ کو ئەف گەشتیارێن سەرەدانا ڤێرێ دکەن بەرمایێک خو ب هاڤێنە ڤێ صەتڵا گلێشی دا داکو شارەوانی وی گلێشی ببەت ..
١٧ی ٨ی٢٠٢١
سێ شەمبی
راگەیاندنا ناوەندێ باڵایێ بارزان
Comments are closed, but trackbacks and pingbacks are open.