شڤێدی دووبارە لایەنگرێن موقتەدا سەدر ل گۆڕەپانا تەحریر كۆمبوون و ئەڤرۆ سپێدێ ژی هژمارا وان زێدەتر لێ هات و بزاڤێ دكەن دووبارە بچنە ناڤ دەڤەرا كەسك كو بارەگەهێن حكومی و پەڕلەمانی و شاندێن دیپلۆماسی لێ هەنە.
ل دویڤ ژێدەرێن ئاگەهدار، خۆنیشاندەر بزاڤێ دكەن بەربەستێن كۆنكریتی راكەن و بچنە ناڤ دەڤەرا كەسك و ل وێرێ خیڤەتان ڤەدەن و مانگرتنێ بكەن، وەك نەڕازیبوون دژی كاندیدكرنا محەمەد شیاع سودانی ژ لایێ چارچۆڤێ هەماهەنگی ڤە بۆ وەرگرتنا پۆستێ سەرۆك وەزیریێ.
هەر ل دویڤ وان ژێدەران، هەر شڤێدی خۆنیشاندەر ل گۆڕەپانا خەلانی ل بەغدا ل بەرامبەری بارەگەهێ رەوتێ حیكمەیێ عەمار حەكیم خڕڤەببوون وەك نەڕازیبوون بەرامبەری ناڤەڕۆكا گۆتارا وی یا دوهی. پێشكێش كری.
وان ژێدەران دیار كرن ژی كو هەر شڤێدی خۆنیشاندەر چووینە ناڤ بارەگەهێ رەوتێ حیكمە ل دەڤەرا ئەبودشیر و كارێن تێكدەرانە كرینە.
Comments are closed, but trackbacks and pingbacks are open.