لسەر شەرێ پەکەکە و تورکیا چڤاتا نونەرێن ئێراقێ کومبیت

دهێته‌ چاڤه‌رێكرن ژبه‌رنه‌قانوونیا هه‌بوونا چه‌كدارێن په‌كه‌كێ ل سه‌ر ئاخا هه‌رێما كوردستانێ و له‌شكه‌ركیشیێن توركیا بۆ سه‌ر ئاخا كوردستانێ، راپورته‌ك بۆ سه‌رۆكاتیا جڤاتا نوونه‌رێن ئیراقێ بهێته‌ بلندكرن.

ئه‌ندامه‌كێ جڤاتا نونه‌رێن ئیراقێ راگه‌هاند: هه‌بوونا په‌كه‌كێ ل سه‌ر ئاخا هه‌رێما كوردستانێ، نه‌بتنێ نه‌ده‌ستوریه‌، به‌لكو چ به‌هانه‌یه‌ك ژى نینه‌ ئاخا هه‌رێما كوردستانێ بكه‌ته‌ گۆره‌پانا شه‌رى.

گۆت ژى، ژ ئه‌گه‌رێ بنگه‌هـ و باره‌گایێن په‌كه‌كێ توركیا ئاخا هه‌رێما كوردستانێ به‌زاندیه‌ و  پێشڤه‌چوون كریه‌.

ئه‌ندامێ جڤاتا نوونه‌رێن ئیراقێ ئاماژه‌ ب وێ یه‌كێ ژى كر، لیژنه‌كا جڤاتا نوونه‌ران ل حه‌فتیا بوورى پشتى سه‌ره‌دانا مه‌یدانى بۆ ئامێدیێ ئه‌و راستى رۆهنكر كو توركیا ژ ئه‌گه‌رێ په‌كه‌كێ هێرشێ دكه‌ته‌ سه‌ر ئاخا هه‌رێما كوردستانێ وه‌ك پشكه‌ك ژ ئیراقێ، ژبه‌ر وێ یه‌كێ چاڤه‌رێنه‌ ئه‌و لیژنه‌ راپۆرته‌كێ بۆ سه‌رۆكاتیا جڤاتا نوونه‌ران و حكومه‌تا ئیراقێ بلند بكه‌ت.

پشتى 10 رۆژێن بوورى په‌كه‌كێ ل دو ناوچێن ئامێدیێ و زاخۆ ل دو بووسان دا شه‌ش پێشمه‌رگێن كوردستانێ شه‌هیدكرن و چه‌ند پێشمه‌رگێن دى بریندار بوون، ڤێ پرسێ كارڤه‌دانێن مه‌زن لێ كه‌فتن و دو لیژنه‌ ل په‌رله‌مانێ كوردستانێ و جڤاتا نوونه‌ران بۆ دویڤچوونا وان روودانان و هه‌بوونا په‌كه‌كێ ل سه‌ر ئاخا هه‌رێما كوردستانێ  و له‌شكه‌ركێشیێن توركیا پێكئیناینه‌ و بریاره‌ وێ راپۆرتێ بده‌نه‌ سه‌رۆكاتیا هه‌ردو په‌رله‌مان و حكومه‌ت و كونسلخانه‌ و نوونه‌رێن وه‌لاتان.