لژنەیەکا پەرلەمانی: گرانبوونا بهایێ پانزینێ پێدڤی ب چارەسەریەکا ب بلەزە
جێگرا سەرۆکێ لژنەیا سامانێن سروشتی ل پەرلەمانێ کوردستانێ راگەهاند؛ نابیت رێکارێن هاتنا پانزینێ ببنە ئەگەرێ گرانبوونا بهایێ وێ و پێدڤی ب چارەسەریا ب لەزە.
گولیزار رەشید سندی، جێگرا سەرۆکێ لژنەیا سامانێن سروشتی ل پەرلەمانێ کوردستانێ دەربارەی گرانبوونا بهایێ پانزینێ نڤیسیە، “پێدڤیە رێکارێن هاتنا پانزینێ بهێنە ساناهیکرن، ئاسانکارێ بۆ هەمی بازرگانان بهێنە کرن و نابیت گرانبوونا بهایێ پانزینێ ببیتە بارگرانی ل سەر خەلکی، کیشەیەکا مەزنە و پێدڤیە چارەسەریەکا بلەز بۆ بهێتە دیتن”.
هەروەسا نڤیسیە،”ئەو یاسایا ژ پەرلەمانی دەرکەفتی بۆ وێ یەکێ نەبوو رێکار ببنە ئەگەرێ گرانبوونا بهایێ پانزینێ و پەرلەمانی ژی ئەو مەرج دانابوو، لەورا گرنگە کۆمبوونەکا تایبەت ل گەل ئالیێن پەیوەندیدار یێن حکومەتێ بهێتە کرن و تێدا ئەگەرێن گرانبوونا پانزینێ بهێنە دیارکرن و رێکارێن بلەز بۆ چارەسەرکرنا وێ بهێنە دیتن”.
Comments are closed, but trackbacks and pingbacks are open.