وەزارەتا پێشمەركەی یا حكومەتا هەرێمێ د راگەهاندنەكێدا دیار كر، د چارچووڤێ پڕوسەیا چاكسازیێن وەزارەتێدا، رێڤەبەرایەتیا گشتییا تاك و خوبەخشان، ب هەڤبەندی دگەل رێڤەبەرایەتیا چاكسازی و شیرەتكارییا سەربازییا وەلاتێ هولەندا، كار بۆ ڤەگوهاستنا لیوایەكا دی یا یەكەیێن 70 و 80 بۆ سەر وەزارەتا پێشمەرگەی راگەهاند.
ل دویڤ راگەهاندنا وەزارەتا پێشمەرگەی، كۆمبونەك ب سەرپەرستیا لیوا حیكمەت عومەر سالح رێڤەبەرێ گشتیێ تاك و خوبەخشان، ب بەرهەڤبوونا عەمیدی ئەندازیار نەبەز سەلاح رێڤەبەرێ پشكا چاكسازییان و كولِونیل بارت شیرەتكارێ سەربازیێ هولەندا بۆ ڤێكئێخستنا هێزێن پێشمەرگەی هاتیە ئەنجامدان.
هەر ل دویڤ راگەهاندنا وەزارەتا پێشمەرگەی، بۆ هەلسەنگاندنا میكانیزم و پلانا چاڤدێریكرنا ڤەگوهاستنا پێشمەرگە و ئەفسەرێن یەكەیێن 70 و 80 بۆ سەر وەزارەتێ و دروستكرنا لیوا 22 یا پیادە، هەمی بزاڤ كەڤتینە دبیاڤێ بجهئینانێدا، هەتا وی دەمی ب تەمامی هێزێن پێشمەرگەی بچینە سەر ب وازارەتا پێشمەرگەیی ڤە.
Comments are closed, but trackbacks and pingbacks are open.