لیژنا پەروەردێ ل پەرلەمانێ کوردستانێ داخواز دکەت سالا داھاتی زوی دەست ب خواندنێ بھێتە کرن

بریاردەرا لیژنا پەروەردە و خواندنا بلند و ڤەکۆلینێن زانستی ل پەرلەمانێ کوردستانێ ڕادگەھینیت ، کو داخواز ژ وەزارەتا پەروەردێ کریە سالا داھاتی پرۆسا خواندن زوی دەستپێبیکەت
گەلاوێژ عوبێد عوسمان بریاردەرا لیژنا پەروەردە و خواندنا بلند ل پەرلەمانێ کوردستانێ دبێژیت : مە نڤیسارەک بۆ وەزارەتا پەروەردێ بلند کریە و داخواز کریە کو سالا داھاتی پرۆسا خواندنێ زوی دەستپێبکەت بۆ قەرەبووکرنا وان وانەیێن پۆلێن ئێک و دوو و سێ بیت ، داکو بشێن ب ھاریکاریا وەزارەتا پەروەردێ و رێکخراوێن نەحکومی خولێن بھێزکرنێ بۆ خویندکاران بھێنە ڤەکرن.
بریاردەرا لیژنا پەروەردە و خواندنا بلند و ڤەکۆلینێن زانستی گووت ژی : ئەڤ سالە پولا ١٢ێ بتنێ ١٥٠ رۆژان خواندیە و پۆلێن دی ژی ٩٨ رۆژان خواندیە ، ب تاقیکرنان ڤە دبنە ١٢٠ رۆژ ، و ئەو ڕێ چارەیەکا نە چاریە کو وەزارەتا پەروەردێ د ڤی کاودانی دا گرتیە بەر.
گەلاوێژ عوبێد ئەو یەکە ژی دا زانین کو ل گور ستانداردێن جیھانی ، دڤێت د ساڵەکێ دا ٢٠٠ رۆژان وانە بھێنە خواندن.