رێبوار حەمەلاو شوانی
پارتی دیموكراتی كوردستان ئەو قوتابخانە بیروهزرییە تێكۆشەرو دیموكراسیخواز و ئازادیخوازەیە كە لە پێناو بەدیهێنانی ئامانجەرەواكانی كورد وكوردستان هەمیشە لە سەنگەری پێشەوە و ئاڵاهەڵگر بوو و هەرگیز سازشی لە سەر بچووكترین ماف نەكردووە ، هەروەها پارتی ئەو حیزبەیە كە لە نێو قوڵایی هەستی گەلی كوردستان هەڵقوڵاوە و لە سەختترین هەڵومەرجەكاندا هاتۆتە گۆڕەپانی كوردایەتیی و كۆڵنەدان و هەرگیز خۆی بۆ هیچ دوژن و داگیركەرێك نەچەماندۆتەوە .
بەڵام ئەوەی بۆ پارتی لە هەموو هەڵومەرجەكاندا بەلایی پارتی و بارزانییەوە گرنگ بووە سەنگ و پێگە و پارێزگاریكردن لە دەستكەوتەكانی و خەبات و مێژوویی كورد وكورددستان بووە و چ لە خەباتی چەكداری و چ لە خەباتی سیاسی هەمیشە بەرپرسیارانە و كوردپەوەرانە و چاونەترسانە تێكۆشاوە و رووبەڕووی هەموو نەیارودۆژمێكی ئەم خاك و نیشتمانە بووەتەوە . لەو رۆژگارەشدا ئەگەرچی خاوەنی هێزی چەكداری گەورە و چەك و تەقەمەنی پێویست و سامانی دەستپێكردنی شۆڕش نەبووە، بەڵام لەبەرئەوەی پشتی بە جەماوەری خۆنەچەمێننی كوردستان بەستووە و ئاڵاهەڵگری وەدیهێنانی ئاوات و ئامانجەكانی ئەوان بووە، توانیویەتی گەشە بكات و شۆڕش بەرەو سەركەوتن بەرێت و لە كاروانی خەباتدا داستانی وەها گەورە و قارەمانانە تۆمار بكات كە هەتا هەتایە لە مێژووی خەبات و بەرخودانی گەلی كورددا شانازیی پێوە بكرێت.
پارتی دیموكراتی كوردستان بەرابەرایەتیی بارزانی ، سەڕەرای هەموو ئەو گەلەكۆمەكی و پیلانگێرییانەی كە دوژمنان و نەیارانی لە سەر ئاستی ناوخۆ و دەرەوە لە پێناو وەستاندنی كاروانی خەباتی بەڵام بەڵام بە شێوەیەك هاتۆتە گۆڕەپانی خەبات و بەرخودان لەو رێگەی كاروانەدا چەندان جار گلاوە و هەڵساوەتەوە، بەڵام نەبەزیوە و هەمیشە بەردەوام بووە، هەتا ئێستاش بەردەوامە و بۆ هیچ هێز و لایەنێك گۆڕەپانی خەبات بۆ هیچ ناحەزێك و دوژمنێك چۆڵ ناكات، ئەویش لەبەر هۆیەكی سادە و ئاسان، چونكە پارتی دیموكراتی كوردستان وەك هێزێكی متمانەپێكراویی نەتەوەیی و نیشتمانی نوێنەرایەتی ویست وماف و داواكارییە رەواكانی گەلی كوردستان دەكات و هەموو بستێكی ئەم كوردستانە بە گۆڕەپانی خەباتی خۆی دەزانێت و هێزی یەكەمی خەبات و كوردایەتییە نەك هەر لە سەر ئاستی ناوچەیەكی دیاریكراو بەڵكو لە سەر ئاستی هەموو كوردستان و عێراق و ناوچەكەشدا حیسابی بۆ دەكرێت .
بۆیە پێویستە یەكێتیی و كڵكەكانی هەموو ئەوانەی كە بەردەوام خەونی نەزۆك بۆ لاوازكردنی پارتی كە واتای لاوازكردنی كوردكوردستان دەبیین ، ئەوا ئەم بزانن. ئەویش ئەوەیە كە پارتی دیموكراتی كوردستان خاوەنی پێگەی بەهێزی نەتەوەپەوەری و نیشتمانپەوەری و خاوەن جەماوەرێكی تایبەت بە خۆیەتی و نەك ئەوەش تەنها بۆ خودی پارتییەكان بەڵكو نوێنەرایەتی بەشێكی زۆری خواست و ویستی هەموو كوردستانیان دەكات و داكۆكیكاری مافە نەتەوەییەكان لە سەر ئاستی هەموو كوردستانی گەورە . لە رێڕەوی مێژوویی خەبات و تێكۆشانیدا هەرگیز فێری خۆچەماندن نەبووە و فێریش نابێت، ئەو خواست و ویستەش كە لە پشت یەكێتیی نیشتمانیی كوردستانەوەیە بۆ مانەوە و بەردەوامبوون و گەشەكردن، زیندووە و لە گەشەكردندایە، بۆیە پێویستە یەكێتیی و كڵكەكانی و هەموو ئەو نەیارانەی كە وا لە پشتیانن و بەكاریان دێن ئەو راستییە بزانن، كە پارتی دیموكراتی كوردستان بە سیناریۆ و چەواشەكاری و ڕەشەباری ناحەزان ناڵەرزێت و نە رێڕەوی خۆی دەگۆڕێت و نە لە ئامانجە گەورەكانی پاشگەز دەبێتەوە، كەواتە بەكارهێنانی هەر جۆرە هەوڵ وپیلانگێرییەك لە دژی پارتی و بارزانی وەك كوتانی ئاسنی ساردە. لەوەش گرنگتر ئەوەیە باشتر وایە ، نەیارانی پارتی و كوردایەتیی بە لاپەرەكانی مێژوودا بچنەوە بزانن ئەوانەی پێش خۆیان چییان بە سەر هات لە هەوڵی پیلانگێری دژی پارتی و كوردستان، لەگەڵ ئەوەشدا هەرگیز پشت ناكاتە ئیرادەی جەماوەری كوردستان كە بێگومان ئیرادەی پۆڵایینی پارتییەكان و كوردستانییان ئیرادەی بەردەوامبوون و درێژەدانە بەو ئامانجە مەزنانەی كە مستەفا بارزانی باوكی ڕۆحی نەتەوەیی كورد و لە سەر رێبازی بارزانی بنیاتی ناوە و هەتا گەیاندنی كورد بە هەموو ئامانجەكانی بە مافی دەوڵەتبوون و سەربەخۆیشەوە ، كە مێژوویش سەلماندنی كە پارتی وبارزانی چەندە بەپەرۆش و خەمخۆر و ڕژدبووە هەمیشە ، بۆیە، كاتی ئەوە هاتووە كە لە پارتییەوە لە پارتییەوە فێری كوردپەورەی و نیشتمانپەوەری و پەرپرسیاریەتیی بن ….
Comments are closed, but trackbacks and pingbacks are open.