سەرۆکاتیا باژێرڤانیا ئاکرێ لسەرپلانا بودجێ گەشەپێدانا پارێزگەها دهوک ب کوژمێ 2 ملیار و 307 ملیون و 72 هزار دیناران دێ جادێن نافخویی دهێنە قێرکرن و کونکریتکرن و سەخبێرکرن بڤی رەنگێ خوارێ..
1- سەخبێرکرن و قێرکرنا چەند جادێن نافخویی ل گەرەکێن نوی ل ئاکرێ ب کوژمێ 949 ملیون و 820 هزار دیناران ، ژوان ل تاخێن 11 ئادارێ نزیک باخچێ وەرین و 11 ئەیلولێ نزیک قوتابخانا باران و هولا پاشا و سەرهەلدان نزیک قوتابخانا ژین یا نموونەیی و قوتابخانا ئایینی و نەوروز نافبەرا جادا ئالەیێ یا قێرکری و ئازادی و گولانا نوی نزیک مزگەفتا الصالحین .
2- سەخبێرکرن و کونکریتکرنا چەند جادێن نافخویی ل ئاکرێ ب کوژمێ 964 ملیون 40 هزار دیناران ئەڤ ئێک ژی ل تاخێ شەهیدان و ( فەوجێ ) و جادا مەهەتێ بن دارستانێ و چەند جادێن ئازادی و ئەوێن ڤەمایی و هەروەها جادێن قوتابخانە و مزگەفتا تاخێ نەوروز .
3- ڤەکرن و قێرکرنا جادێن تاخێ دەواجن و قوتابخانا پیکەسەر ل ئەیلولێ ب کوژمێ 337ملیون و 716 هزار دیناران .
4- کونکریتکرنا جادێن تاخێ شەڤلکا ب تەمامی ل ئاکرێ ب کوژمێ 55 ملیون و 496 هزار دیناران .
ئەڤ پرۆژە ژبۆ کومپانیا جێبەجێکار کەفتییە و دێ هێنە بجهکرن و ب ئەنجامدانا ڤان پرۆژان خزمەتەکا مەزن دێ گەهێتە هەڤوەلاتیێن بەرێز ، حکومەتا هەرێما کوردستانێ بەردەوامە ل خزمەتگوزاریێن جورا و جور نەخاسم دروستکرنا جادە و رێکا .
باژێرڤانیا ئاکرێ
Comments are closed, but trackbacks and pingbacks are open.