د. هەكار مستەفا، تایبەتمەندێ نەخۆشیێن دل و هناڤا و شارەزایێ تەنگاڤیا ل پارێزگەها دهۆكێ ڕاگه‌هاند، پێلەكا زكچوون و دلڕابوونێ بەلاڤبوویە و هەكە ئەڤ پەتایە یا بەردەوام بیت پێشبینی دهێتەكرن گه‌له‌ك نەخۆش دناڤا نەخۆشخاناندا بهێنە نڤاندن، ئەڤ پەتایە ب رێكا خوارن و ڤەخوارنا پیس دهێتە ڤەگوهاستن بۆ خۆپاراستنێ ژ ڤێ پەتایێ، خوە دوویركرنه ژ خوارنێن ژ دەرڤە ب تایبەت خوارنا قودیكان.
د. هەكار مستەفا گۆت: بەری خوارنێ و پشتی خوارنێ و چوونا تەوالێتێ پێدڤیە 20هەتا 30 چركا ب ئاڤ و سابوونێ دەستێن خوە بشوون، هه‌روه‌سا هەر كەسەكێ زكچوون یان دلرابوونێ پێدڤیە نەخۆش ماوێ 24 دەمژمێرادا سەرەدانا نەخوشخانێ بكەت و ژلایێ نۆژدارنڤە چارەسەری بۆ بهێتەكرن و ئەو كەسێن تووشی ڤێ پەتایێ دبن ئەم موغەزی بۆ بكاردئینین كو دبێژنێ (O R S).
تایبەتمەندێ نەخۆشیێن دل و هناڤان دیاركر، هەكە زكچوون و دلرابوونا نەخۆشی گه‌له‌كا دژواربیت وی دەمی پشكنینێن دەستاڤا ستویر بۆ دهێنە ئەنجامدان و ل دووڤ ئەنجامێ پشكنینان دێ دەرمانێ دژی بەكتریا ب نەخۆشی هێتەدان، هەكە ژیێ نەخۆشی زێده‌تر بیت ژ 70 سالان یان ژی نەخۆشی نەخۆشیێن دومدرێژ هەبن وەكی نەخۆشیێن پەنجەشێرێ و نەخۆشیێن گولچیسكان تووشی زكچوون و دلرابونەكا دژوار بیت پێدڤییە دەرمانێ دژی بەكتریا بۆ بهێتە بكارئینان.
د.هەكار مستەفا دیاركر: هەكە پلا گەرماتیا لەشێ نەخۆشی 38.5 پلە بیت و نەهێتە خوار، یان خوین دگەل دەستاڤا نەخۆشی هەبیت و ئەو نەخۆشێن پتر ژ شەش جاران د دەمێ 24 دەمژمێراندا زكچوون بۆ چێببیت، د ڤان حالەتا هەمیاندا پێدڤییە دەرمانێ دژی بەكتریا ب نەخۆشی بهێتەدان ژلایێ نۆژدارێ تایبەتمەندڤە.
Comments are closed, but trackbacks and pingbacks are open.