ل دەستپێکا حەفتیا بهێت باران بارین دێ دەستپێکەت

شارەزایەکێ سەقاناسی زانیاریێن نوو دەربارەی سەقایێ حەفتیا بهێت دیار دکەت و ئاماژە کریە، ل چەند دەڤەران باران بارین دێ دەستپێکەت.

سیروان ساڵح، شارەزایێ بوارێ سەقاناسی بەلاڤکریە،” ل دەستپێکا حەفتیا بهێت ل ڕۆژێن شەمبی و ئێک شەمبی، ژ ئەگەرێ هاتنا پێلەکا شەهێ ژ دەریایا ناڤەراست، ئەگەر هەیە عەورێن ژ جۆرێ قات قات ل ئەسمانێ هەرێمێ دەربکەڤن.”

ئاماژە کریە:” ل دەڤەرێن جودا یێن پارێزگەها دهۆک، مووسل، ڕۆژئاڤایێ هەولێرێ و کەرکوکێ، هندەک جاران ئەگەرێ بارینا بارانەکا کێم هەیە و ل دەڤەرێن دی ژی دێ پیچەک عەور دەرکەڤن.”

سیروان سالح دیار کریە:” ل ڕۆژا ئێک شەمبی قۆناغەکا دی یا دا کەفتنا پلەیێن گەرمێ دێ دەستپێکەت و ئەگەر هەیە 6 پلە داکەڤن، سەقا تا حەفتیا دوماهیا مەها 10 دێ بڤی شیوەی ب جێگیری مینیت، ب شەڤان دێ سەقا یێ سار بیت و دانێ نیڤرۆییا ژی دێ یێ فێنک بیت.”