لیزا فەلەکەدین، ئەنداما پەرلەمانێ کوردستانێ دیارکر، ژبلی 200 ملیارێن بەغدا، پارێ مووچەخورێن هەرێمێ ژ داهاتێ نەفتی و نە نەفتی دهێتە دابینکرن.ب سەرجەم بو هەر مەهەکێ 64 ملیون دۆلار ژ داهاتێ نافخۆ یێ پارێزگەها هەولێرێ و 32 ملیون دۆلار ژ داهاتێ نافخۆ یێ پارێزگەها دهۆکێ بو تمامکرنا پارێ موچێ هەردوو پارێزگەهان دهێتە دابینکرن، ڤی سیستەمی ل هەردوو پارێزگەهان ئاریشا کورتئینانێ د پارێ موچەیێن هەردوو پارێزگەهان دا چارەسەر کریە و بێ ئاریشە برێڤە دچیت.بۆ دابینکرنا موچێ مەهەکێ یێ پارێزگەها سلێمانیێ، پێدڤی ب 241 ملیون دۆلارایە، بو ڤێ مەهێ بتنێ 193 ملیون دۆلار ژ داهاتێ نەفتێ بۆ موچەخورێن پارێزگەها سلێمانییێ هاتینە راوانەکرن، ژ پارێ مای 48 ملیون دۆلارن کو پێدڤیە ژ داهاتێ نافخۆ بهێنە راوانەکرن بۆ تمامکرنا پارێ موچەی.داهاتێ نافخۆ یێ سلێمانیێ بو مەهەکێ 105 ملیون دۆلارە و د شیان دایە گەلەک ب ساناهی موچێ مەهەکێ ب وی پارەی بهێتە تمامکرن و 57 ملیون دۆلار ژی دێ بۆ بابەتێ مەزاختنێن دیتر و خزمەتگوزاریێن پارێزگەها سلێمانیی مینیت.یا ڕەوا نینە بانکێن سلێمانیێ بێژنە موچەخوران و خانەنشینان پارە نینن، ئەم باش دزانین کو پارە یێ هەی بەلێ یا کو نەی وژدانە، ئەوا نەی نوبوونا رێزگرتنێ یە ل سەرێ سپی و خزمەت و ماندیبوونا خەلکی.
Comments are closed, but trackbacks and pingbacks are open.