ئەڤرۆ تیما گاڤ نیوز ل سنۆرێ ناوچەداریا بامەڕنێ ل گوندێ ئەرەدنا رۆمالا ئاهەنگا نەورۆزێ دکر، دو گەنجان هێرش کرە سەر تیما گاڤ و هەردو رەڤین و ب سەر چیای کەفتن.
دلۆڤان حەسەن، پەیامنێرێ گاڤ نیوز و کامیرەمانێ وی سەعید ئەیووب بۆ رۆمالا ئاهەنگا نەورۆزێ ل سنۆرێ ناوچەداریا بامەڕنێ یا سەر ب دەڤەرداریا ئامێدیێ ڤە چووبوونە گوندێ ئەرەدنا، لێ دو گەنجان هێرش کریە سەر تیما گاڤ و کەلوپەلێن وان ژناڤ برینە.
دلۆڤان حەسەن، پەیامنێرێ گاڤ گۆت: وان دو کەسێن هێرش کریە وان، سەروچاڤێن خۆ داپۆشی بوون و پشتی هێرش کریە سەر وان و کەلوپەلێن وان شکاندین، هەردوک رەڤینە و ب سەر چیای کەفتینە و تیما گاڤ پرسیار ژ خەلکێ ل دەردۆر کریە، ئەو گەنج ل گەل چ ژ وان خێزانان نەبوون.
گاڤ نیوز وەک دەزگەهەکێ رێپێدای و خودان موولەتا فەرمی یا کارێ راگەهاندنێ ل هەرێما کوردستانێ، سکالا توومار کریە و پۆلیس و دەزگەهێن ئێمناهیێ ئاگەهدار کرینە.
Comments are closed, but trackbacks and pingbacks are open.