زێده‌ترى سێ سالایه كار د دروستكرنا كارگه‌هه‌كا ڤاڤارتنا گلێشى دا ل كومه‌لگه‌ها قه‌دشێ دهێته‌كرن، لێ ژبه‌ر چه‌ند ئه‌گه‌رێن كارگیرى تا نوكه كار تێدا ب داوى نه‌هاتیه.
ئه‌ندازیار رێڤینگ عادل، سه‌روكێ باژێرڤانیا قه‌دشی راگه‌هاند، ئه‌ڤه كارگه‌ها ئێكێ یه لسه‌ر ئاستێ قه‌زا ئامیدیێ دهێته دانان و گوت زێده‌تر ژ 85%كار تێدا ب دوماهى هاتیه و ئامیره بۆ هاتینه دابینكرن و ئاڤاهى ته‌مام بوویه، تنێ ژبه‌ر چه‌ند ئه‌گه‌رێن كارگێرى مایینه ب داوى بهێن و كارتێدا بهێته‌كرن.
ناڤهاتى دیار ژى كر، ئه‌و پروژه لسه‌ر رووبه‌رێ 96 كیلۆمه‌ترێن دوجاری ل سنوورێ باژێرڤانیا قه‌دشێ دهێته چێكرن و گوت: ئه‌ڤ پروژه زێده‌بارى مفایین وێ یێن پاقژیا ژینگه‌هێ تا راده‌كێ باش دێ چه‌ندین ده‌رفه‌تێن كارى بۆ خه‌لكێ ده‌ڤه‌رێ په‌یداكه‌ت.
گوتژى، ئاریشا گلێشى دێ ل 13 باژێرڤانیا هه‌ر ژ زاویته و باگێرا تا شێلادزێ و چه‌مانكی و كانى ماسێ دێ هێته چاره‌سه‌ركرن.
Comments are closed, but trackbacks and pingbacks are open.