ل گورەی ڤەکۆلینەکا زانایێن ئەڵمانی کو ڤایرۆسێ کۆرونایێ ل تاقیگەهان هاتیە دروست کرن و بەلاڤبوویە و سروشتی نینە

ڤەکۆلینەک کو ژلایێ سێ زانایێن ئەڵمانی ئەنجام دایە ئەوێ چەندێ دیاردکەت كو ڤایرۆسێ كۆرۆنایێ ل تاقیگەهان هاتیە دروست كرن و بەلاڤبوویە و سروشتی نینە.

” فالنتین پرۆتیل” ئێک ژ وان سێ زانایێن پشکدارێن ئەڵمانی و باوەرنامە ل سالا 2022 ل “بەرگریا لەشی” ب دەست فە ئینایە، د چاڤپێكەفتنەکێ دا ل گەڵ تەلەفزیۆنەکا ئەڵمانی NTV راگەەاند: دەرەنجامێ ڤەکۆلینا مە ل گەڵ دو هەفالێن من ئەوێ دیاردکەت كو ڤایرۆسێ كۆرۆنایێ ب رێژا 99.9% هاتیە دروستكرن و دەستكاری كرن ل ڤایرۆسێن سروشتی.

پرۆتێل ئەوژی راگەهاند كو ئەو شێوازێ ل دروستكرنا كۆرۆنایێ مفا لێوەرگرتی، هاوشێوەیە دگەل ئەو رێکێن كو ڤایرۆسی پێ دهێتە دروستکرن ل تاقیگەهێن زانستی دا.

ل درێژیا ئاخفتنێن وی زانایێ ئەڵمانی بۆ تەلەفزیۆنێ ئەوژی گوتیە ئەم نوکە گەهشتینە ئەنجامەکی و د هەولا وێ چەندێ داین پەرە ب دەرمانەکی بدەین كو ب تەمامی یێ بێ زیانە بۆ چارەسەریا نەخۆشیێن پێدڤی ب بەرگریا لەشی و ژواژی كۆرۆنایە.