زەنون سلێڤانەی ـ زاخو
بێگومان هەگەر ئەم بەرپەرێن دیروکا مروڤاێەتیێ ڤەکەین ل پێش سەرهلدانا بوهارا سالا ۱۹۹۱ ژی لوی سەردەمی گەلێ کورد لژێر بن دەستیێ گڤاشتن ونەهامەتیا رژێما دیکتاتوری ڤە ژیانا خوە دبرنە سەر ، گەلێ کوردستانێ بخاك و زمان و کەلتور ڤە لژێر دەستهەلاتداریا رژێما داگێرکەریێ ڤە دەربازدبی ، ئانکو بدەهان خانمێن بڤی رەنگی خوە بکوردا دایە هەڤنیاسین هێدی هێدی بەرپەرێن دیروکا ئێش و ئازارێن میللەت و نەتەوەیێن لژێر بن دەستیێ دنێری ئەڤێن بەردەوام تووشی مەرگەسات و قرکرنێ و تەپەسەریێ دبوون ،
گەلێ کورد ژڤان جورە مەرگەساتێن هەمەجور ژێ بێ بەهر نەبوویە و مەرگەساتا کێمیا بارانا باژێرێ هەلەپچە ل ئادار سالا ۱۹٨٨ جینوساید و ئەنفال و کوچا مەلیونیا بوهارا سالا ۱۹۹۱ پشتی سەرهلدانێ رویدایێ ،
بەلێ زوربەیا ڤان خانمێن دیرێن و دوستێن گەلێ کورد وەك خانما دانیال مێتیران هەڤژینا سەروکێ وەلاتێ فرنسا یێ بەری بمەرد و دلوڤانی دەستێ هاریکاریێن مروڤاێەتیێ تەرخانکریە بو وان میللەت و نەتەوەێن تووشی مەرگەساتێن لێقەومیایێ کومەلگەها کەمپێن ئاوارەیان تایبەت گەلێ کورد ژی پشکەك ژوان نەتەوەێن لژێر بن دەستێ رژێما بەعسیێن فاشست ڤە تووشی هەوا ئەنفالێن رەش دبن ل مەها تەباخا سالا ۱۹٨٨ ێ زوربەیا خیزانێن کوردا دەڤەرێن خوە چولکرن ئاوارەیێ سەر سنورێ ئیرانێ و تورکیا دبن کومەلگەهێن مێردینێ و مووشێ ودیار بەکرێ ئاکنجی دبن پاشان ڤێ خانما دێرین هایدارێ رەوشا ئاوارە بویێ یا بوو شیایە دەنگ ونەخوشیێن کوردا بگەهینیت ل وەلاتێ فرنسا جهێ بریاردانێ ل ناڤەندێن سیاسیێ و مروڤاێەتیێ ،
سەبارەت پشتی سەرهلدانا بوهارا ۱۹۹۱ وەك روژنامەڤانیێ ئەلمانی خانما چیکی هود بچاڤکێ کامیرا ئێش و ئازارێن کوچا مەلیونیا گەلێ کورد بوان دیمەنێن خوەیێن جەرگ هەژین و دەنگ و رەنگێ ڤێ کوچا مەلیونی شیایە برەنگەکی راستەخوە ئاراستەی کۆچکا سەروکاتیا وەلاتێ ئەلمانیا بکەت سەروکاتیا وی وەلاتی وێ خانمێ ژی رولەکی کاریگەر هەبوویە بو گەلێ کورد بەردەوام هەڤپشکێ خوشیێ و نەخوشیێن گەلێ کوردستانێ بوویە هەتا لڤێ داویێ ژی ژبەری دەست ژدەستهەلاتا سەروکاتیێ بەردەت ،
دێ ڤەگەرن بال رولێ خانما مادلین ئولبرایت وەزیرا دەرڤەی یائەمریکا هەگەر ئەم ل دیروك و کەساێەتیا ڤێ خانمێ بنێرین بچەند رێزکەکاندا بەحسێ رولێ بکەن دجیهانێ دا بابەتێ هەنێ بداوی ناهێت پیدڤیە بدرێژی بێتە بەحس کرن ئانکو لوی سەردەمی مادلین ئولبرایت رەخنەێن توند ل وەلاتێن شەرخواز گرتیە وەك وەلاتێ روسیا وشیشان و عێراق و ئەفغانستان گەلەك وەلاتێن دنژی ئەڤێن تووشی و شەرو مال وێرانیێ بووین ڤێ خانما مادلین ئولبرایت وەك سمبوولا ئاشتیێ ل جیهانێ تێتە هەڤنیاسین ،ڤێ خانمێ بخوە بو وەلاتێ خوە سەرفەرازیەکا هەرە مەزن تومارکرو گەلێ کورد ژ کێشە وگرفتاریێن گەف و ئێرشا دپاراستن ل پشتی سەرهلدانێ تایبەت لسەر دەمێ شەرێ ناڤخوە ل کوردستانێ رویدایێ مادلین ئولبرایت ژدویرو نێزیك هایدارێ ڤێ رەوشا ئالوز دنێری هەر ئەڤە ئەو خانما پری خودان هەست ودلوڤانی بوویە ئێك ژ سمبوولا ئاشتیێ و دژی شەرخوازیێ ئەندازیارا قوتکرنا شەرێ ناڤخوە ل کوردستانێ ئەڤ جورە رێکەفتنا واشنتون کریە تاکە رێك بو بداویهاتنا شەرێ ناڤخوە بانگەوازی ل هەردوو سەرکردێن دیروکی کرو ژبو ئیمزاکرنا رێکەفتنەکا ستراتیژی ل مەها ئیلونێ یاسالا ۱۹۹٨،
مادلین ئولبرایت وەزیرا دەرڤەی یائەمریکا یابەرێ وەغەرا داویێ کر ئەم وەك گەلێ کوردستانێ هەڤپشکێ خەماوانن بەردەوام ئەم خوە بقەدارێ خزمەت و رولێ خەباتا ڤێ خانمێ نە ،
ئەوا دوهی ئەو پێك ئینای ئەڤرو وەغەرکریە ،
مادلین ئولبرایت وەزیرا دەرڤەی یائەمریکا دسالا ۱۹۹۷ ــ ۲۰۰۱ێ،
- دکاری هەموو بابەتێن خۆ بنینی…
Comments are closed, but trackbacks and pingbacks are open.