هندەک زانایێن مەکسیکی ماسکەکا نوی چێ کر کو ل سەر دفنێ ب تنێ دهێتە دانان و ل دەمێ خوارن و ڤەخوارنێ دهێتە ب کار ئینان.
ژ لایێ تیۆری ڤە ژی، ئەو خانەیێن بۆ بێنکرنێ دهێنە ب کار ئینان، هەر ئەو خانەنە یێن تێڕا ڤایرۆسێ کۆرۆنا پێ دهێتە ناڤ لەشێ مرۆڤی، ژ بەر هندێ، زانکۆیا هۆپکنز یا ئەمریکی دبێژیت کو نخاڤتنا دفنێ گەلەک پێدڤییە و پێدڤییە ژی ماسک یا گەلەک تەخ بیت داکو مفایێ وێ زێدەتر بیت.
لێ رێکخراوا ساخلەمییا جیهانی WHO تەئکید دکەت کو بۆ خۆپاراستنەکا باشتر ژ ڤایرۆسێ کۆرۆنایێ پێدڤییە نە ب تنێ دفن، بەلکی دەڤ ژی هەتا ئەرزنکێ ب ماسکێ بهێتە نخاڤتن.
بەری مەکسیکییان ژی، نوژدارەکێ چینی نەخۆشخانەیا زۆنگشان ل باژێڕێ شانگهای ماسکەک بۆ دفنێ ب تنێ چێ کربوو.
وی نوژداری گۆتبوو: نوژدار و کارمەندێن ساخلەمیێ دەمەکێ درێژ ل نەخۆشخانەیان ل ناڤ وان کەسانە یێن تووشی کۆرۆنایێ بووین و ل دەمێ خوارن و ڤەخوارنێ پێدڤی ڕاکرنا ماسکێ نە ژ سەر دەڤێ خۆ، ژ بەر هندێ، پێدڤییە ڤی جۆرێ ماسکێ (یێ دفنێ ب تنێ) ب کار بینن.
Comments are closed, but trackbacks and pingbacks are open.