ژنه‌ك ب ناڤێ رابیحه ئه‌لسه‌ریفى دامه‌زداندنا ئێكه‌م پارتا ژنان ب ناڤێ (بزاڤا كچان بۆ گوهورینان) لسه‌ر ئاستێ عیراقێ ڕاگه‌هاند و دیاركر كو د هه‌لبژارتنێن بهێت یێن عیراقێدا دێ پشكداربن و ئارمانج ژ دامه‌زراندنا وێ پارتێ ئه‌وه پترین ژن بچنه د هۆلا په‌رله‌مانیدا.
رابیحه ئه‌لسه‌ریفى دیاردكه‌ت، بزاڤا كچان بۆ گوهورینان پارته‌كا سیاسی و مه‌ده‌نییه، هه‌روه‌سا باوه‌رییه‌كا ته‌مام ب ده‌وله‌تا مه‌ده‌نى و رێزگرتن ل مافێن مرۆڤ و یه‌كسانى به‌رامبه‌ر یاسایێ بێ جوداهییا ره‌گه‌ز و ئایین و نه‌ته‌وه‌ى هه‌یه، هه‌روه‌سا پارتا مه لدووڤ یاسایا پارت و ڕێكخستنێن سیاسی ب ژماره 36 ل سالا 2015 كاردكه‌ت كو نوكه ل عیراقێ په‌یڕه‌وه.
دامه‌زرێنه‌را پارتا بزاڤا كچان بۆ گوهورینان ڕاگه‌هاند، ل ده‌مێ تۆماركرنا پارتێ كۆمسیۆنا بلندا هه‌لبژارتنان ڕێگرییه‌كا توند ل مه دگرت ب هێجه‌تا كو پارت دچیته د قالبێ جوداهییا ڕه‌گه‌زى ژبه‌ر ئه‌ڤێ چه‌ندێ نه‌چاربووین ل ده‌سته‌یا دامه‌زراندنا پارتێ ناڤێ 2 زه‌لامان زێده‌بكه‌ین دگه‌ل 5 ژنان.
پارتا ژنان ب ناڤێ بزاڤا كچان بۆ گوهورینان ل پارێزگه‌ها زیقار ل باشوورێ عیراقێ هاته دامه‌زراندن و رابیحه ئه‌لسه‌ریفى دامه‌زرێنه‌را پارتێ یه و خودان 3 زارۆكه و نوكه مامۆستایا زمانێ ئینگلیزیێ یه ل قوتابخانه‌كا پارێزگه‌ها زیقار.
Comments are closed, but trackbacks and pingbacks are open.