محەمەد شەیاع سودانی، كاندیدێ چوارچووڤێ هەڤكارییا شیعی بۆ پۆستێ سەرۆك وەزیرێن عیراقێ ڕەتكر خۆ ژ كاندیدكرنێ بۆ وی پۆستی ڤەكێشیت.
پشتی خۆپێشاندانێن ئێڤارییا ڕۆژا چوارشەمبی كو ژلایێ لایەنگرێن موقتەدا ئەلسەدر ڤە ل باژاڕێ بەغدا ل دژی كاندیدكرنا محەمەد سودانی بۆ پۆستێ سەرۆكاتییا حكومەتێ هاتینە ئەنجامدان و خۆپێشاندەران بسەر ئاڤاهیێ جڤاتا نوونەرێن عیراقێدا گرتی، دەنگۆیێ خۆ ڤەكێشانا محەمەد سودانی ژ خۆ كاندیدكرنێ بۆ وی پۆستی ژلایێ هندەك دەزگەهێن ڕاگەهاندنێ ڤە هاتە بەڵاڤكرن، بەلێ سپێدەهیا ئەڤرۆ ڕۆژا پێنجشەمبی، محەمەد شەیاع سودانی د داخۆیانیەكا ڕۆژنامەڤانیدا ئەو دەنگۆیە ڕەتكر و دووپاتكر كو یێ ڕژدە ل سەر خۆ كاندیدكرنێ بۆ وەرگرتنا پۆستێ سەرۆكێ حكومەتا عیراقێ و خۆیاكر كو بەرپسیاریەكا مەزن كەتییە سەر ملێن وی بۆ قورتالكرنا عیراقێ ژ ڤێ ڕەوشا ئاڵۆز.
Comments are closed, but trackbacks and pingbacks are open.