زێ بادینان:
بیست و هەشتێ هەیڤا ئێک یا سالا 1881ـێ مرنا دۆستۆیڤسکی عەرشێ ڕوسیا ب تەمامی هەژاند، د گەل هندێ ژی ژمێژە یێ نەخوەش بوو، بەلێ مرنا وی ژ بۆ ڕوسیا ڕویدانەکا ژ نیشکەکێ ڤە بوو، کەفتە د قۆناغەکا نوی یا بلند د داهێنانێدا. پشتی ب دووماهیک ئینانا پەرتووکا “برایێن کارامازۆڤ” ب چەند حەفتییەکان نڤیسەرێ مەزن دۆستۆیڤسکی د هۆتێلەکا بچویک یا ژمارە 5ـدا وەغەرا داویێ کر، د نها دا ئەو هۆتێلە یا ب مۆزەخانا وی هاتییە بناڤکرن. نیڤا خەلکێ باژێڕێ سانت پێترسبورگ کۆمبوون ژ بۆ وەغەرا داوییێ ل نڤیسەرێ خوە یێ خوەشتڤی و یێ زال ل سەر هزرا وان و ئەقلێ وان بکن. دەما تربا (تابووت)ـا وی کو جەستەیێ نڤیسەری تێدا ڤەگوهاستین، ژ وێ مالێ ئەوا تێدا دووماهیک هەناسەیێن خوە هلکێشاین ژ بۆ کەنیسێ، ل دۆرماندۆری وی هەمی خەلک ژ هەمی تۆخمان د گەل جەنازەیێ وی ب ڕێڤەدچوون، نێزیکی ٤٠ هزار کەسان بوون، و ل ڕۆژا ڤەشارتنا جەستەیێ وی ژمارەکا زێدە زێدە ژ خەلکی کۆمبوون، هەتا کو پۆلیسان ب زۆری دەرگەهــ ل خەلکێ کو بەرەڤ گورستانێ د هاتن گرتن.
ئێک ژ ڕەخنەگران د بێژت: “ئەم د شێن ب هەمی جەسارەت بێژین کو ڕوسیا بەری وێ ڕۆژێ چ جەنازەیێن دی هۆسان نەدیتبوون”
ژێدەر: ژیانا دۆستۆیڤسکی ب پێنۆسێ لۆبۆڤی.
وەرگێڕان ژ عەرەبی: Sarbast Mohammad
پێداچوون: Bijar Asihy
Comments are closed, but trackbacks and pingbacks are open.