مستەفا كازمی، سەرۆك وەزیرێن عیراقێ ڕاگەهاند، هەبوونا هێزێن شەڕكەرێن ئەمریكا و هەڤپەیمانان ل عیراقێ بدووماهی هاتییە و تنێ هژمارەكا شیرەتكارێن سەربازی ماینە.
دچوارچووڤێ كۆمبوونەكا جڤاتا وەزیرێن عیراقێدا، مستەفا كازمی دووپاتكر كو دووماهی ب ئەركێ هێزێن شەڕكەرێن هەڤپەیمانان و ئەمریكا ل عیراقێ هاتییە، و سەرجەم كەمپ و سەربازگەهێن هێزێن هەڤپەیمانان و لەشكەرێ ئەمریكا كەتینە د دەستێ هێزێن عیراقێدا، و نوكە تنێ هژمارەكا شیرەتكارێن سەربازیێن مل ب ملێ سوپا و هێزێن ئەمنیێن عیراقێ كار دكەن.
دەربارێ هێڕشێن مووشەكیێن دچەند ڕۆژێن دەربازبووییدا بۆ سەر بنگەهێن سەربازی هاتینە ئەنجامدان، سەرۆك وەزیرێن عیراقێ گوت: جهێ داخێ یە وان مووشەكان سەربازگەهێن سوپایێ عیراقێ هنگافتینە، ئەڤ كریارە دبێ ڕامانن و بێگۆمان ئاسایش و سەقامگیریا وەڵاتی تێك ددەن.
Comments are closed, but trackbacks and pingbacks are open.