مستەفا كازمی، سەرۆك وەزیرێن عیراقێ سەرپەرشتییا كۆمبوونەكا ئاسایی یا جڤاتا نوینەران كر و هەژمارەكا بابەتێن گرنگ گۆتوبێژكرن.
د كۆمبوونێ دا كو دبیت دوماهی كۆمبوونا جڤاتا وەزیرێن كابینا وی بیت كازمی راگەهاند، حكومەتا وی سەركەفت د رزگاركرنا ئابوورێ عیراقێ دا و ژ قۆناغا ژناڤچوونێ دەربازكرە قۆناغا گەشەكرنێ. د نوكە دا و ل دویڤ راپۆرتێن ناڤدەولەتی یێن باوەرپێكری، عیراقێ ب لەزترین گەشەكرنا ئابووری ل رۆژهەلاتا ناڤەراست هەیە و ل سەر ئاستێ جیهانێ ب رێزا دووێ دهێت ب رێژەیا 9.3%.
كازمی ئاشكەرا ژی كر، دەمێ وی دەستهەلات وەرگرتی یەدەگێ عیراقێ 49 ملیار دۆلار بوو، لێ د نوكەدا یەدەگێ عیراقێ 85 ملیار دۆلارە. هەروەسا یەدەگێ زێری ژی نێزیكی 96 تەنان بوو، لێ د نوكەدا عیراق خودانا 134 تەنێن زێری یە.
دەمەكە كازمی ب دزینا نێزێكی 2.5 ملیار دۆلاران ژ سپاردێن بەنكا رافیدەین دهێتە تۆمەتباركرن و هێرشێن مەزن ل سەر دهێنەكرن، لێ سەرۆك وەزیرێن عیراقێ د كۆمبوونا خوە یا دوهی دا راگەهاند، ل دۆر دیارنەمانا وی پارەی ل ئێك ژ بەنكێن حكومەتێ وان دەست ب ڤەكۆلینان كرییە و دادگەهـ ژی ل سەر ڤەكۆلینێن خوە یا بەردەوامە.
Comments are closed, but trackbacks and pingbacks are open.