مستەفا کازمی ، تا دوماهیا ئەڤسالە هەمی ئەو هێزێن شەرکەر یێن ئەمریکی ل ئیراقێ دێ هێنە ڤەکێشان

سەرۆکوەزیرێ ئیراقێ پشتی ژ واشنتۆنێ ڤەگەریای، ڤەکێشانا هێزێن شەرکەر یێن ئەمریکی ژ ئاخا ئیراقێ پشتراست کر.

مستەفا کازمی، سەرۆکوەزیرێ ئیراقێ د تویتەکێ دا نڤیسە،” پشتی سەرەدانەکا سەرکەفتی و لێکتێگەهشتنێن ئابۆری، سیاسی و کەلتووری، هەروەسا رێککەفتنا گۆهوڕینا پەیوەندیا ئەمنی بۆ پەیوەندیا مەشق و راهێنان و شیرەتکاریێ و نەمانا هەمی هێزێن شەرکەر یێن ئەمریکی تا دوماهیا ئەڤسالە ڤەگەریاینە بەغدا”.

ل گۆرەی رێککەفتنا ئیراق و ئەمریکا د چارچووڤێ دیالۆگا نشتیمانی دا، تا دوماهیا ئەڤسالە هەمی ئەو هێزێن شەرکەر یێن ئەمریکی ل ئیراقێ دێ هێنە ڤەکێشانان و تنێ دێ ژمارەکا سەربازان بۆ مەشق و راهێنان و شیرەتکاریێ مینن.